icon_gotop
18+
autorisation
Войти | Регистрация
Время в Татышле
22:44
Четверг, 28 Марта
Рекламный баннер 990x90px top

Тазалыкмес кыдатӥмы, анай кылын сюлмысь вераськимы

15:03 19.03.2015

Спортэн эшъяськисько – тазалыкме юнматӥсько

Ужрадэ пырисько спор­тэн эшъяськисьёс но. Туэ но Нефтекамск городысь лыж­ной базаын, удмурт тренеръ­ёслэн Валерий Васильевич Гарейшинлэн но Левитан Михайлович Габидуллин­лэн кичӧлтэмзыя, «Лыжня зовёт!» спортъя праздник ортчиз. Городамы со йылол­лы пӧрмемын ни, шуыны луоз. Арлы быдэ ортчытӥськом сое. Куас вылэ пиналэз но, пересез но султӥзы. Учкисьёс но – болельщикъёс – трос лю­каськизы. Куас сюресын усто сылэменызы висъяськизы: пиосмуртъёс пӧлын – Василий Яппаров, Расим Шайхатдаров, Тимеркан Миншараев, Зу­фар Атнакузин, нылкышноос пӧлын - Роза Шакирзянова, Рина Шайхатдарова, Алев­тина Хайбуллина, Венера Михайлова. Ӵошатсконэ пы­риськемъёсты грамотаосын но пичиесь кузьымъёсын пусйизы.

Праздникмы жӧк сьӧрын йылпумъяськиз. Пӧсь чай но удмурт кырӟанъёс люкаськем калыклы трос выль кужым но капчи мылкыд кузьмазы.

Алтау, Алтау, тон мынам вордскем гуртэ

Таиз ар шаерамы Лите­ратуралэн ареныз ялэмын. Удмурт культуралы сӥзем нуналъёсы дасяськыку, мал­паськонэ уси: кызьы возьма­тоно меда удмуртлыкез, уд­мурт кылэз но литератураез городын улӥсь удмуртъёс­лы? Куное ӧтьыны малпай аслам вордскем гуртысьтым дано адямиосты, журнали­стъёсты, гожъяськисьёсты Ульфат Шайхутдинович Ба­дретдиновез но Люза Генна­диевна Бадретдиноваез. Ал­тау гуртмы пичи ке но, отын трос дано, гажано адямиос вордӥськыса будэмын. Ми, алтауос, соосын туж данъ­яськиськом! Дуно куноос лыктом шуизы.

- Кызьы меда пумисько­нэз нимано? - нош одӥг юан йырын берга. Тодам лыктӥз Ульфат Шайхутдиновичлэн гуртмы­лы сӥзем нырысетӥкырӟанэз. Со кырӟанысь чуръёс ик тупа­зы: « Алтау, Алтау, тон мынам вордскем гуртэ».

Пумиськонмы ортчиз историко-краеведческой музейын. Тужгес трос верась­кимы удмурт кылэз, литера­тураез утён сярысь. Лыктэм куноослы мон сюрприз но дасяй вал: кузпалыным гурта­мы бертыса видео уськытӥм. Ульфат Шайхутдиновичлэн но Люза Геннадиевналэн ӵош дышетскем эшъёссы­лэсь юалляськи, кыӵеесь вал меда пичи дыръязы быдэс удмурт но башкир шаеръёсын тодмо адями­ос? Трос серемес учыръёс вераллязы эшъёссы.

Люкаськем калыкез Ульфат Шайхутдинович тодматӥз аслаз творчество­еныз, книгаосыныз. Тросэз геройёсыз – со улонысь адямиос, пе, соос асьме вӧзын уло, соосты капчиен тодманы луэ. Соин ик, дыр, Ульфат Шайхутдиновичлэн веросъёсыз, повестьёсыз сюлме пыӵало, малпаськонэ уськыто, пичи муртэ сямен шумпотто.

Люза Геннадиевна но калыкен сюлмысь верась­киз, аслаз книгаосыныз тодматӥз. Нош кыӵе лири­ческой кырӟанъёс пӧрмемын солэн кылбуръёсызлэсь! Ми­лемлы туж кельшиз «Тода­ды ваелэ» кырӟанэз, «Кыӵе умой – тон вань» кылбурез. Та кылбурзэ со анай кыллы – удмурт кыллы сӥзьыса гожтэм. Пумиськонмы йылпумъяськиз городысь на­ционально-культурной ога­зеяськонъёслэн центразы. Куноосмес келямы Алтау гуртмылы сӥзем кырӟанэн. Милемын ӵош кырњаз сое гожтӥсез но – Ульфат Ба­дретдинов.

Фируза ФАИЗОВА,

Нефтекамск городысь удмурт огазеяськонэн кивалтӥсь.

7432

Оставить сообщение: