icon_gotop
18+
autorisation
Войти | Регистрация
Время в Татышле
12:05
Sunday, 17 Октября
Рекламный баннер 990x90px top

«Тӥ пӧлын - удмуртлык, удмурт кыл но культура»

2015-03-05

Удмурт культурая ну­налъёсты радъян сярысь сюлмаськизы Удмурт Эль­кунысь Йӧскалык полити­кая министерство, Калыкъ­ёслэн Эшъяськон юртсы, «Удмурт кенеш» ассоциа­ция но Камсьӧр удмуртъёс­лэн огазеяськонзы. Удмурт культурая нуналъёсты мунё республика кун театрысь артистъёс усьтӥзы. Соос пиналъёслы «Тӧл пуйыысь выжыкыл» возьматӥзы. Та нуналэ нылпиосты аспӧртэм адӟытон но витиз: «Удмур­тия» книга поттон изда­тельстволэн директорез Ю. В. Кузнецов книгаосын, пӧртэм бичетъёсын вуз карон радъяз. Соин пичильтокъёс анай-атайёсынызы ӵош кема гожеръязы солэн котыраз. Книгаос соосты чебересь суредъёсынызы сяна, дунъё­сынызы но бордазы кыскизы. Азьпалтыса верало, Юрий Васильевич удмурт нылпи садъёсы но кузьымлы книга­ос вуттэм.

Удмурт кылъя но покчи классъёсты дышетӥсьёсын, библиотекарьёсын, бадӟым классъёсын дышетскисьёсын пумиськонъёс куинь площад­каосын ортчизы.

Книгаосты компьютер пыр лыдӟиськом

Республикаысьтымы удмурт гуртъёсысь библи­отекарьёсты та удысысь выльдӥськонъёсын тодма­тыны Удмурт Элькунысь йӧскалык библиотекаын ужась Анна Семёнова вуэм. Сое кылзыса, малы ке син азям школаын дышетскон аръёсы, вылӥдышетскон юртын тодон-валан басьтон вакытъёсы син азям пуксизы. Уго соку пӧртэм книгаосты, бичетъёсты шедьтон туж се­кытэн сётӥськиз.

Нош табере со ласянь трослы капчигес ни луэмын: библиотекаосын лыдӟисьёс понна нимысьтыз сайтъёс кылдытэмын. Соос пыр кун­гож сьӧрысь авторъёслэсь, ӟуч, удмурт гожъясьёслэсь ужъёссэс шедьтыны луэ. Анна Леонидовна та нуналэ, кылсярысь, Удмурт Эльку­нысь йӧскалык библиоте­калэн сайтэныз, йӧскалык электронной библиотекаен тодматӥз. Туннэ та бамъёс тросэзлы лыдӟисьёслы пай­даё луысалзы, уго соос кни­гаосын сяна, кырӟанъёсын но трос мукетыныз узыр. Но, жаляса верано, республика­ысьтымы удмурт библиоте­каосын интернет вотэсъё­сын паськыт уг кутӥсько на. Пумиськонъёсын со яркыт шӧдӥськиз. Соин азьланяз би­блиотекарьёс лыдӟисьёслы книгаос сяна, интернет во­тэсъёсысь материалъёсты но, оло, ӵектозы. Туала ва­кытэ выльдӥськонъёсын ӵош вамыштоно.

Нылпи садын ужасьёслы

площадка

Площадкаен кивалтӥз Ижкарысь нылпи садысь уд­мурт кылъя дышетӥсь Ольга Михайловна Аркашева. Ны­рысь со «Зарни бугор» нылпи клуб сярысь вераз. Клублэн ужпумъёсыныз, вормонъ­ёсыныз тодматӥз. Бӧрысь дышетӥсь вераськиз Удмурт Элькунын нылпи садъёс пӧлын ужась куинь проек­тъёс сярысь: «Чеберина но пичи батыр», «Ӵыжы-выжы» но «Шудон корка». Озьы ик со та проектъёсъя презентациос возьматӥз. Проектъёс азин­ско УР-ысь Йӧскалык поли­тикая министерство, УР-ысь Дышетонъя министерство но Ижкарысь дошкольной обра­зованиея управление юрттэт возьматэмен.

Ольга Михайловна нылпи садын пиналъёсты удмурт кыллы дышетон амалъёслы но саклык висъяз. Мынам малпамея, удмурт гуртъё­сысь нылпи садъёсын ужа­сьёс таӵе амалъёс сярысь уг сюлмасько, дыр. Соос тросгес ужало удмурт пиналъёсты ӟуч кыллы дышетон бордын. Нылпиосмы удмурт кылэз пичиысен семьяосазы дыше­то угось.

- Шумпотӥсько, вожъясь­кисько башкир музъемын улӥсь удмуртъёс асьсэ кыл­зэс умой тодо шуыса. Тӥпӧлын - удмуртлык, удмурт кыл но культура, - вераз О. М. Аркашева.

Озьы ик пло­щадкаын удмурт пособиослэн, методической материалъёс­лэн тырмымтэзы сярысь кылпум ӝутӥзы. О. М. Ар­кашева аслэсь­тыз методиче­ской разработ­каоссэ, удмурт кырӟанъёсын дискъёссэ пу­миськонэ лык­тэмъёслы но сётӥз. Площадкаын, нылпи садын ужасьёс сяна, покчи классъёсын дышетӥсьёс но луизы.

Вуоно

студентъёслы

Таиз площадка школаез йылпумъясьёсты огазеяз. Соин кивалтӥз педагогика наукаосъя кандидат, УдГУ-ысь удмурт литературая но Россиысь калыкъёслэн литературазыя кафедраысь доцент Любовь Петровна Фёдорова. Со пиналъёслы вакчияк УдГУ сярысь вераз, татын тодон-валан басьтон амалъёсын но бадӟымесь луонлыкъёсын тодматӥз. Любовь Петровналэсь УдГУ-ысь студентъёслэн Европае стажировкаосы вуылэмзы сярысь, переводчиклы ды­шетскыны луонлыкъёс ся­рысь верамъёссэ пиналъёс тунсыкъяськыса кылзӥзы.

Площадкаын викторина радъяськиз. Со удмурт ге­ройёслы, нылкышно гожъ­яськисьёслы сӥземын вал. Юанъёслы шонер верасьёслы синпель кузьым - Удмуртилэн тодмо интыосыныз карточ­каос - сётъязы. Площадка­лэн ужан мугез луиз удмурт кылэз но культураез утён но азинтон, удмурт пиналъ­ёслэсь УдГУ-э дышетскыны пырыны мылкыдзэс ӝутон.

Котырес ӝӧк сьӧрын

вераськон

Площадкаосысь ужъёс котырес ӝӧк сьӧрын азински­зы. Отчы Башкортостанысь удмуртъёслэн НКЦ-зылэн Кенешезлэн ёзчиосыз, гурт поселениослэн администра­циосынызы кивалтӥсьёслэн, школаослэн директоръёссы но мукетъёс пыриськизы. Котырес ӝӧк сьӧрын пӧртэм ужпумъёсты эскеризы. Кыл­сярысь, вуоно арын Быдэс­дуннеысь финн-угор калыкъ­ёслэн конгрессы ортчоз, со­лэсь азьвыл съездъёсты радъяно. Со сяна, Калтасы ёрос туэ бадӟым Чакара фе­стивалез пумиталоз. Соос котькудӥз трос кужымез, чи­дамез но валче ужамез кулэ каро. Зэм, Башкортостанысь удмурт калык со ласянь шум­потымон тырше. Со пумысен Ижевскысь Камсьӧр удмур­тъёслэн огазеяськонэнызы кивалтӥсь Ф. А. Чибышева шуиз: «Удмуртлыкез азинтон ласянь Башкортостан туннэ азьпалан мынэ». Озьы ке но азьланяз но кужыммы медаз лябӟы вылэм. Соин тросгес пумиськылонъёс, уж опытэн вошъяськонъёс ортчытыны тыршоно. Флюра Ахметовна­лэн верамезъя, таџе ужпумен матысь дыре Казане вуылоно. Уго Татарстан Республикаын удмуртлыкез утён но азин­тон ласянь ужъёс секытэн быдэстӥсько.

Та нуналэ Флюра Ахме­товна кемаласен ни сюлэмзэ «сюпсись» малпанъёсыныз люкиськыны дыртӥз. Башкор­тостанысь кырӟасьёс Удмурт Элькунысь кырӟасьёслэсь кырӟанъёссэс тросгес, пе, быдэсто. Соосын џош сцена вылысен интыысь кылбур­чиосын но крезьгурчиосын гожтэм кырӟанъёс но пась­кытгес мед чузъяськысалзы.

Котырес ӝӧк сьӧрын кырӟанъёс пумысен верась­кон книгаос борды выжиз. Туннэ тросаз школаосын соос вужесь яке воксё уг тырмо. «Учебникъёс ласянь уж мынэ, - вераз «Удмуртия» книга поттон издательство­лэн директорез Ю. В. Кузне­цов. – Уфае книгаос келясь­комы». Нош отысен соос кыт­чы ышо, тодмо ӧвӧл. Но Юрий Васильевичлэн верамезъя, коньдон ке луиз, книгаосты но методической пособиосты издательствоысь котькуд дыре басьтыны луэ.

Ольга НИГАМАТУЛЛИНА,

Миляуша БУЛАТОВА.

2736

Оставить сообщение:

НАШИ ПАРТНЕРЫ