icon_gotop
18+
autorisation
Войти | Регистрация
Время в Татышле
06:55
Четверг, 5 Августа
Рекламный баннер 990x90px top

Команда ке кужмо, малпанъёс быдэсмо

2015-02-26

Ошмес» газетлэн кубо­кез понна нюръяськыны пиос­лэн укмыс командаоссы вуи­зы. Соин ӵошатсконъёсты кык спортзалъёсын ортчытыны чаклазы. Озьы уго шудон дыр но шӧдскымон шыръяськоз, пиослы кужымзэс но мултэс быдтоно уз луы. Ӵошатсконэз усьтэмен ялэм бере, Янаул ёросысь Вуж Варяшысь, Та­тышлы ёросысь Вязовкаысь, Калмиярысь командаосты Уразгильдые келязы. Татысь спортзалын ик кужымзэс возь­матоно луиз кузёослы но.

Уразгильдыысь площад­каын нырысетӥен пумиськизы Калмиярысь но Вуж Варяшысь командаос. Калмияръёслы нырысетӥпартиын ик секыт­гес йӧтӥз, варяшъёс соос пумитэ юн кужымен султӥзы. Озьы соос кык партиын ик вормисе потӥзы. Та нуналэ варяшъёсты нокин чигтыны ӧз быгаты. Соос вязовкао­сты но, уразгильдыосты но азьпалтӥзы. Озьыен, Вуж Варя­шысь команда финалэ шедиз. Со сяна, дор борддоръёс ураз­гильдыослы но юрттӥзы. Зэм, та нуналэ соос шӧдӥзы, вылды, кубок понна нюръяськыны ку­жымзы уз тырмы. Нош куинетӥинтые потыны быгатонлыксы вань. Со понна пиослы ог-огзэс шӧдыны, валаны тыршоно.

Та вакытэ Улысь Балта­чысь спортзалын но омырзы ӟырдаз: нокинлэн вормонэз лэземез уг поты, лэся. Татын со понна нюръясько Татышлы ёросысь Выль Татышлыысь но Улысь Балтачысь, Калтасы ёросысь Бадӟым Качакысь, Пермь шаерысь Куеда ёросысь Бадӟым Гондырысь команда­ос. Пермь шаерысь куноос «Ош­мес» газетлэн кубокез понна волейболъя ӵошатсконын вормонлэсь шӧмзэ ӟеч тодо ни. Кылем арын но соос коть­кинэ азьпалтӥзы уго. Соин туннэ но вормонлы осконзы вань, дыр. Но шудонзы ӧжытлы пӧртэмгес радъяськиз. «Ко­мандаос огвыллемгес шудо, котькудзы кужмоесь», - вера соослэн тренерзы Игорь Ах­мадуллин. Озьы ке но гонды­рьёс нырысетӥшудоназы кузё нылъёсты капчиен вормизы, шудон 2:0 лыдпусэн йылпумъ­яськиз. Собере Выль Татыш­лыысь но Бадӟым Качакысь нылъёслэн шудонзы тунсыко радъяськиз. Нырысетӥпарти­ын выль татышлыос азьпала потӥзы, нош кыкетӥяз – ка­чакъёс. Чылкак соку, оло, ку­ноослэн мылкыдзы ӝутскиз, асьсэлэн кужымзылы оскон пыӵаз.

 Озьы куинетӥпартиын нылъёс куспын зэмос нюръ­яськон пуромиз. Та вакы­тэ лыдпусъёс но ог-огзы сьӧры уиськизы, кожалод. Нырысь соос выль татыш­лыосты шумпоттӥзы, нош берло – куноосты. Озьыен, ньылетӥпумиськонын ваче пумит султӥзы кык кужмо командаос: Бадӟым Кача­кысь но Бадӟым Гондырысь нылъёс. Шудон кык партиен кыстӥськиз. Отын кужмогес луизы качакъёс. Нылъёслэн пумиськонзы 2:0 лыдпусэн йылпумъяськиз. Таиз шудон бере учкисьёс вормисьёс пумысен но, оло, тунаны кут­скизы, дыр. Но йылпумъянъёс лэсьтыны вазьгес на вал. Уго Улысь Балтачысь, Уразгиль­дыысь нылъёслэн но висъясь­кыны быгатонлыкъёссы вань.

Пиослэн командаоссы пӧлын финал Выль Татыш­лыысь спортзалын ортчиз. Уразгильдыын вормем кык командаос но татчы ик вуизы. Нош Выль Татышлыысь пло­щадкаын кузёослы но Улысь Балтачысь командаослы удалтӥз. Соос Бадӟым Кача­кысь но Максимысь коман­даосты азьпалтӥзы. Финалын нырысь Уразгильдыысь но Выль Татышлыысь пиос пу­миськизы. Татын вормисьёсты кык партиын шараязы. Шудо­нын кузёос оскымон вормизы. Нош Вуж Варяшысь но Улысь Балтачысь командаос пӧлын нюръяськон секыт мынӥз. Нырысетӥпартиын балтачъёс азьпалан луизы. Нош кыкетӥяз варяшъёс шӧдскымон куж­могес адӟиськизы. Куинетӥпартиын шудонэз балтачъёс асьсэ киязы кырмизы. Собе­ре соос уразгильдыосты но вормыны кужым шедьтӥзы на. Таиз нюръяськонзы но кап­чиен ӧз сётӥськы. Озьы ке но уразгильдыослы таяз учыре но ӧжытлы ӧз удалты.

Ӵошатскон Выль Татышлы­ысь но Вуж Варяшысь команда­ослэн шудонэнызы йылпумъ­яськиз. Нырысетӥяз партиын куноос кузёосты капчиен чигтыны малпазы. «Кубокез, оло, варяшъёс басьтозы?» - та вакытэ тросэзлэн учкисьёс­лэн йыразы сыӵе малпанъёс бергазы. Командаослэн тре­неръёссылэн но сюлэмъёссы пирсэкъяны кутскизы. Нош кыкетӥез партия шудонэз вок­сё валантэм кариз: вормизы выль татышлыос. Озьыен, вор­мисьёсты куинетӥез партия шараялоз. Отын кужмогес лу­изы кузёос. «Ошмес» газетлэн кубокез ньылетӥарзэ ни Выль Татышлы школаысь коман­далы (тренерез А. Сабанчин) кылиз. Нош кыкетӥно куинетӥинтыосты Улысь Балтачысь но Вуж Варяшысь команда­ос (тренеръёссы Ю. Губаев но Л. Багаутдинов) люкизы. Нылъёс пӧлын кубок Бадӟым Качаке (командалэн тренез Г. Тимирбаев) кошкиз. Бадӟым Гондырысь но Улысь Балта­чысь командаос (тренеръёссы И. Ахмадуллин но Р. Губаев) кыкетӥно куинетӥинтыосты люкизы. «Ошмес» газетлэн валтӥсь редакторез А. Г. За­йноков вормисьёсты Данъян грамотаосын но синпель ку­зьымъёсын пусйиз. Нимысь­тыз грамотаосын данъямын шудонъёсын «Лучший напада­ющий» но «Лучший защитник» нимъёсты басьтэм Юрий Са­фиуллин (Выль Татышлы шко­ла) но Виктория Давлетбаева (Бадӟым Качак школа), Леонид Фаткуллин (Вуж Варяш школа) но Татьяна Газиева (Бадӟым Гондыр школа).

«Ошмес» газетлэн кубокез понна волейболъя ӵошатскон быдэс нунал кыстӥськиз. Сое радъяны юрттэмзы понна га­зетлэн редакциез школаос­лэн директоръёссылы, отысь физкультурая дышетӥсьёслы но пӧзьтӥськисьёслы тау каре.

Ольга НИГАМАТУЛЛИНА.

 

1588

Оставить сообщение:

НАШИ ПАРТНЕРЫ