icon_gotop
18+
autorisation
Войти | Регистрация
Время в Татышле
11:47
Sunday, 17 Октября
Рекламный баннер 990x90px top

Табань зын лӧсъяськиз омырын

2015-02-26

Ульча тыр шулдыр крезь­гур чузъяське. Омырын – че­скыт табань зын. Тани выль пыжем табанен Анатолий Галиханов Инмарлы вазись­киз: тазалык, шудбур, татулык куриз.

Алтауослэн верамзыя, азьвыл та йылоллы бадӟым саклык висъяськылэм. Бӧрысь кӧня ке аръёс ӵоже со вунэмын вылэм. Но котькин вашкала йылолэз улӟытон сярысь сюлмаськы­са, пе, улэм. Кылем арын алтауослэн малпанзы быдэсмем – гуртазы «Вӧй ке­лян» ортчытӥллям. Туэ но соос ужрадэ пӧръёсынызы вуизы, огазе кариськыса чай юизы.

Та нуналэ коть­кин бордын - кап­чи мылкыд, паль­потон. Пичиос но, бадӟымъёс но шул­дыръясько. Экто­нэз задор, тунсыко шудонъёс воштӥзы. Гозы кыскан, салаз­киосын, корытаосын нискылан тунсы­ко пӧрмиз. «Ӟеч лу, тол! Ӟечбур, тулыс!» кылъёсын алтауос сульдэрез ӝуатӥзы. Инкуазь соослэсь куронзэс быдэстэм сямен, ог­дырлы инмын шунды адскиз. Лымыез ӝоггес шунтыны турттыса выллем, липетысь усьылӥсь шапыкъёслэн кап-кап! куаразы кылӥськиз.

Миляуша

НИГАМАТУЛЛИНА.

Бурай ёрос.

2427

Оставить сообщение:

НАШИ ПАРТНЕРЫ