Калыклэсь тазалыксэ юнматон – одӥгез валтӥсь ужпум

Пумиськонэ РФ-ысь Пра­вительствоен кивалтӥсьлэн воштӥсез Ольга Голодец, Россилэн Президентэзлэн Приволжск Федерал округысь полномочной представите­лез Михаил Бабич, РФ-ысь ужъя но калыкез улонын утёнъя министр Максим То­пилин, пӧртэм регионъёслэн тӧрооссы, огазеяськонъёсын кивалтӥсьёс но мукетъёс пыриськизы. Соин, вылды, куноослэн тунсыкъяськонъ­ёссы но паськытэсь луизы.Соос калыклэсь тазалыксэ юнматон удысэн сяна, гурт хозяйствоослэн азинскеме­нызы, пӧртэм проектъёслэн быдэстӥськеменызы, пен­сионной фондлэн ужъёсы­ныз тодматскизы. Дмитрий Медведев, кылсярысь, «Баш­фармация» ГУП-лэн Уфаысь одӥгаз аптекаяз кожылӥз. Татын эмъюмъёслэн дунъ­ёссы таяз арын 10 процент­лы матэ йылэмын. Дмитрий Медведев совещаниын но со сярысь мур вераськон ӝутӥз. Со пумысен Башкортостан Республикалэн тӧроез Ру­стэм Хамитов шуиз: «Калыкез дунтэмгес эмъюмъёсын тыр­мытон понна шаерысьтымы вуз поттӥсьёслы юрттоно. Уфаын, кылсярысь, сыӵеосын лыдъясько «Уфа-Вита», «Им­мунопрепарат» фармацевти­ческой предприятиос. Кун юрттэттэк соос азьлане уз вамыштэ».

Дмитрий Медведев понна та нуналэ, калыклэсь таза­лыксэ юнматон сяна, одӥгез лэчыт ужпум луиз республи­каысь экономикалэн азин­скемез. Нырысь ик – калыкез уж интыосын тырмытон. Уго ар кутсконын та ласянь се­кытгес югдур кылдӥз. Куд-ог предприятиос, оптимизациен сэрен, ужасьёссэс кулэстоно луизы.

Россиысь Правительство­ен кивалтӥсь республикамы­лэсь пӧртэм удысъёсысь бадӟым вормонъёсты пусйиз. Солэн малпамезъя, Башкор­тостанын котькудӥз сямен проект ӟечен быдэстӥське. Со ласянь со котькуд ре

 гионлы адӟем карымон луэ. Азьланяз, кылсярысь, «Еди­ная Россия» партилэн ин­тыысь ёзэтэныз кылдытэм «Память и гордость в серд­цах поколений», «Народный университет третьего воз­раста» проектъёс, оло, быдэс Россие вӧлмозы. Соослэсь кулэлыксэс РФ-лэн Прави­тельствоеныз кивалтӥсь но вылӥ дунъяз.

Дасяз

Ольга НИГАМАТУЛЛИНА.