icon_gotop
18+
autorisation
Войти | Регистрация
Время в Татышле
14:48
Sunday, 17 Октября
Рекламный баннер 990x90px top

Одӥг архивын - быдэс история

2015-01-29

Ужъёсыз солэн трос вал, тунсыкъяськонъёсыз но паськыт но мур пуштросо луизы. Нош валтӥсь ужпумъ­ёсыз вал чеберлыко литера­тура бордын ужан, Башкор­тостанын улӥсь удмуртъёс­лэсь историзэс эскерон, сое вуоно поколенилы кельтон. Со сяна, журналист А. Гиль­маев трос гожъяз Татышлы ёросысь мукет калыкъёслэн историзы сярысь материалъ­ёс: колхозъёсты радъян кы­зьы ортчиз, гуртъёслэн, ась­ме палась башкир выжыослэн кылдэмзы но трос мукетыз сярысь. Лэсьтытэк кылем ужъёсыз но лачак кылизы, дыр. Кема улыны кылдым­тэзэ шӧдыса, вылды, Андрей Васильевич улытозяз вань люкам материалъёссэ ни­маз-нимаз папкаосы люкам, котькудзэ нимаса кельтэм.

Кема ӧвӧл Татышлы ёро­сысь историко-краеведче­ской но Гали Сокорой нимо музейёсын ужасьёс дано улосчимылэн кузпалыз доры ветлӥзы. Марзия апаен пу­миськон мугмы таӵе луиз – гожъяськисьлэн, журналист­лэн, шаерчилэн А. В. Гильма­евлэн архивеныз тодматскон но отысь материалъёсты музее пайдаяськыны басьтон.

Котьмаин тунсыкъясь­кон, солы вань дырдэ быдтон но сюлэмдэ сётон мылкыд туж ӧжыт адямиослы Инма­рен сётӥське, дыр. Соин ик Андрей Васильевич вань бы­гатэмзэ, тодэмзэ, лэсьтэмзэ калыклы кельтыны тыршиз. Узыр библиотеказэ сяна, музее пӧртэм материалъёссэ вуттӥмы на: гожтэтъёсты, туспуктэмъёсты, газетысь бичаса кельтэм материалъ­ёсты, аслэсьтыз гожъямъ­ёссэ. Озьы ик ми доры вуиз тодмотэм авторлэн киыныз гожъям тетрадь, кудаз уд­мурт кылын трос чеберлыко произведениос люкамын. Азьланяз «Ошмес» газетэз лыдӟисьёсты но отысь ма­териалъёсын тодматыны тыршом.

Анна БАЙДУЛЛИНА,

музейын ужась.

Татышлы ёрос.

2544

Оставить сообщение:

НАШИ ПАРТНЕРЫ