icon_gotop
18+
autorisation
Войти | Регистрация
Время в Татышле
14:32
Вторник, 19 Октября
Рекламный баннер 990x90px top

Оскымон атай вӧзын милемлы но каньыл

2015-01-29

Дуно атае… Тыныд мон вамыш­лы быдэ сямен шуныт кылъёсме ас поннам верасько. Вождэ эн вайы, яратон мылкыдме малы ке туж шер шарае поттӥсько. Озьы ке но, оскисьоскись­ко, мынэсьтым малпанме кылъёстэк но валаськод. Тон – мынам данъ­яськонэ, юрттӥсе, дышетӥсе но оскы­мон эше. Соин ик куректонме но, шумпотонме но ны­рысь ик тыныд ве­раны дыртӥсько. Тодӥсько, тон валалод, визь-кенешен юрттод. Уго мон пичиысен ик атайме кылчи­нэн лыдъялляй. Секыт дыръёсы тон котьку юрттод кожалляй.

Атай понна котьку нырысетӥ интыын луо семья­ез, юртэз, нылпиос но ог-огдэ валан. Вордскем юртамы милемыз котьку шумпотыса пуми­тало. Табере ни анай-атаймес куинь нылъёссы сяна, внучкаоссы, внукъёс­сы шулдырто. Соос котьку ӵужатайзы доры курисько, тодо угось: татын пиналъёссэс ярато. Анайёссылэн но зарни пичи дырзы татчы кытчы ке ватскемын. Ӵужатай но ӵужай нылпи­оссы борды лул-сюлмынызы бинись­кемын. Таӵе яратонэн ик будэтӥзы соос милемыз но. Соин, вылды, ми пон­на анай-атай данъяськымон адямиос. Соослэн валче улонзы 32 ар ӵоже ни кыстӥське. Со пӧлысь котькудӥз ог-огзэс валаса но гажаса ортчытэмын. Соос шоры учкыса валасько, кыӵе сямъёсты пиелы пыӵатон сярысь сюл­маськоно. Атаелэсь быгатонлыксэ но солы выжтыны тыршоно. Пиелэн но ки улаз котькуд уж мед пӧзёз, калыкен огкыл мед шедьтоз.

Атаелэн пулэсь, кызьпулэсь лэсь­тэм ужъёсыз чебересь но аспӧртэм адӟисько. Нош пичиесь «чемодан­чикъёслэн» бордазы «ческытэз» шӧдӥське. Соос чечы тырыны дася­мын. Ӝоген «чемоданчикъёс» асьсэ­лэсь кузёоссэс шедьтозы. Чечымы но, оскисько, котькинлы кельшоз. Уго атае кемаласен ни муш утёнэн тунсыкъяське. Со сяна, со шур дурын визнанэн но пукыны гажа. Куддыръя шумпотыса вазь ӵукна со сьӧры ӵыпет дуре вамыштӥсько. Вӧзаз чус пукись­ко, чорыгъёс, пе, медаз кышкалэ. Нош азьланяз бордамы пие но пуксёз, ӵужатаез сое визнан ньӧр кутыны дышетоз.

Пие азьланяз, оло, мыным чебер суред но пӧрмытоз. Дорамы али ке но утиське атаелэн вить аресам сётэм кузьымез. Суредаз со арганэн шудӥсь гондырпиез возьматэм. Кыр пӧйшур отын таза, кужмо но шудо суредамын. Тонэ но, атай, котьку сыӵеен адӟеме потэ. Тынад шумпотон-серектонэд ноку медаз кысы ымнырысьтыд, тонэн артэ ми но котьку шудо. Тау тыныд атай яратонэд понна! Данъяськисько тонэн!

Ксения ГИЛЬФАНОВА.

Татышлы ёрос.

2664

Оставить сообщение:

НАШИ ПАРТНЕРЫ