icon_gotop
18+
autorisation
Войти | Регистрация
Время в Татышле
06:45
Понедельник, 26 Июля
Рекламный баннер 990x90px top

Пичи дырысеныз нюлэсэз яратӥз

2015-01-22

- Юрий Минзарипович, малы тӥледыз тол куазен шутэтскыны келязы? Маин ке янгышады оло?

- Номырин ӧй янгыша. Та вакытэ сюлмаськонъёс ӧжытлы кулэсмо: гурт уды­сын валтӥсь ужъёс йылпумъ­яськемын, нош вуоноосыз кутскытозь дыр вань на.

- Малпасько, тӥ шуныт шаеръёсын сюлмысь шутэт­скиськоды?

- Сюлмысь но ӟеч шутэт­скисько. Нош шуныт шаеръёс сярысь ке, бускель Удмурт Элькунын но кезьыт ӧвӧл. Ре­спубликамы но ёросмы понна ужаны кужым тырмыт люкай.

- Тӥляд быдэс улонды со сярысь сюлмаськонэн орт­чемын ни.

- Мынам улонам пичи дыры но, быдэ вуон вакытэ но луизы…

- Озьыен, со бордысен ик кутскомы. Тӥ Калтасыын-а вордскемын?

- Качкин-Турай гуртын. Кызьы верало, огшоры се­мьяын. Анае – Татьяна Са­дыровна – быдэс улонзэ скал кыскисьын тыршиз, атай – Минзарип Минзаирович – «Красная звезда» колхозын механизатор вал.

- Со вакытысь тужгес тодмо хозяйствоын?

- Со вакытэ хозяйство зэмзэ ик туж тодмо вал. Калык сюлмысь тыршиз. Тодӥсько на, ужъёс вакытэ атаймес чик ӧм адӟылэ – со туж вазь уж дураз кошкылӥз, ми кӧлыны выдэм бере гинэ бертылӥз. Анаймылэн но ужез со выллем радъяськылӥз. Соин милемыз утён сярысь песяймы Марина Бадретди­новна сюлмаськиз. Анай-атаймы нылпиоссэс зэмлыкез гажасен будэтыны тыршизы.

- Пичиысен гурт ужлы дышыса будӥды?

- Гуртын сотэк уг луы. Гидкуаямы трос пудо, тыло­бурдо вордӥмы, бакча, сад утимы. Соос котькудӥз трос тыршемез куро.

- Озьы ке но нылпи дыр – со тужгес шудо вакыт.

- Туннэ шумпотыса пинал дырме тодам ваисько. Гур­тын трос нылпиос вал, соос куспазы эшъяськыса улӥзы. Гарейка шур дуре чорыга­ны ветлӥмы, толалтэ куас вылэ султылӥмы. Но тужгес яратӥмы нюлэскы ветлыны. Шаплы но таза будӥмы. Шко­лае, кылсярысь, вить иськеме ветлӥмы.

- Школа бере улонды кы­зьы радъяськиз?

- Юматовоысь сельхоз­техникумын дышетски, Но­вороссийск вӧзын службаме ортчи.

- Армие мылкыд карыса мынӥды-а?

- Армилэсь пегӟон сярысь малпанэ ик ӧй вал. Солдат шоры со вакытэ мукет синмын учкизы. Зэм, туала вакытэ но гуртысь егитъёс армие мыны­ны тыршо. Мынам малпамея, со пыр котькуд егит пилы потоно. Армилэн пытьыез улонам туннэ ке но яркыт шӧдӥське.

- Армиысь дорады бертӥды-а?

- Дорам, «Красная звез­да» колхозэ. Со вакытэ со юн хозяйствоен лыдъясь­киз. «Красная звезда» аслаз кужмыныз школаос, клубъёс, фельдшер пунктъёс ӝутылӥз. Солэн кирпич заводэз, ни­мысьтыз ӝутӥськон бригада­ез луиз. Улон юртъёс ӝутӥмы, газ кыскимы. Котькуд уж колхозлэн коньдонэныз быдэстӥськиз. Хозяйство­ен соку Анатолий Сократов кивалтӥз. Анатолий Сакрие­вичлэсь мон тросэзлы дышет­ски, со понна солы сюлмысь тау карисько. Ужаны валтӥсь бухгалтерлэн воштӥсеныз кутски.

- Туннэ югдур воштӥсь-кемын. Кужмоосыз хозяйство­ос но школа ӝутыны уз быгатэ ни, дыр.

- Оло со шонер но, дыр. Котькин аслэсьтыз ужзэ бы­дэстыны кулэ. Хозяйстволэн ужпумез – гурт удысысь вуз дасян. Сыӵе мынам малпанэ.

- Тӥляд ужды борды бе­рытскоме.

- Со тубатъёсъя радъ­яськиз. Монэ РАПО-е валтӥсь бухгалтере юнматӥзы, агро­университетэз заочно йыл­пумъяй, МПМК-ын бухгалтер луи.

- Улонады мукет шумпо­тонъёс но луизы, дыр?

- Семья кылдытӥ, кузпа­лы ёрос эмъюртын медсе­страын тырше. Милям кык нылпиосмы. Алексей пимы аслаз семьяеныз улэ ни, Ирина нылмы - Екатеринбур­гысь горной институтысь студентка.

- Нош ёрос администрацие ужаны кызьы вуиды?

- Мыным калык пӧлын ужаны капчигес ке но вал, куронзылы ӧй пумитъяськы. Зэмзэ ке верано, ужме вошты­ны мылкыды ӧй вал. Ёрос ад­министрациен кивалтӥсьлэн экономикая, промышленно­стья, ӝутӥськонъя но ЖКХ-я воштӥсез луи.

- Ёросэн кивалтон борды но тӥсекыт вакытэ кутскиды.

- Одӥг вакытэ Калтасы ёросын трос саклык висъ­яськиз нефть поттонлы. Нош Краснохолмскийысь «Баш­нефть» кошкем бере, трос калык ужтэк кылиз. Табере соос уйпалан вахтаен ужало. Озьыен, налог но отын ик тыро. Та ласянь лыдпусъ­ёс ӧжыт уг люкасько. Нош пичи городлы тупась гуртэз азинтоно. Соин нефтяникъёс кошкем бере гуртысь тросэз калык но палэнэ кошкоз шу­ыса малпасько вал. Собере зэмзэ но кинъёс ке кошкизы. Но калыклэн лыдыз озьы ке но ӧз кулэсмы. Татчы мукет гуртъёсын улӥсьёс выжо. Азьвыл Краснохолмскийын нылпи садъёсы интыос пу­мысен трос шугъяськонъёс кылдылӥзы. Туннэ нуналэ таиз ужпум но быдэстӥське ни. Татын республикалэн президентэз вуылэм бере шӧдскымон воштӥськонъёс луизы.

- Тодмо, соин пумись­кон тӥляд улонады но воштӥськонъёс пыртӥз.

- Шонер. Администрациен кивалтыны куронэн вазись­кемзы бере, кузпалыным, анай-атаен трос кенешимы. Озьы ке но ёросэн кивалты­ны дӥсьтонэ ӧй вал. Рустэм Закиевичен пумиськон, со­лэн дурбасьтонэз гинэ таӵе вамыш лэсьтыны юрттӥзы.

- Мар бордысен кутски­ды? Тросэз нырысь ик ужа­сьёсты воштон борды кутско.

- Ужасьёсмы ласянь бадӟымесь воштӥськонъёс ӧз луэ. Уго соослэсь котькуд­зылэсь быгатонлыксэс мон ӟеч тодӥсько ни вал. Озьы ке но кивоштӥсьлы егитъё­сты дасян сярысь сюлмась­киськом. Туннэ калыклы ӟеч улыны луонлыкъёс кылды­тоно. Со понна соосты вуэн, газэн тырмытыны тыршись­ком, социальной объектъёс ӝутӥськом. Республикамы со ласянь трос юрттэ. Жаляса верано, туннэ тросаз гуртъё­самы газ ӧвӧл. Быгатэммыя та ужпумез но палэнтыны тыршиськом.

Нылпи садэн герӟась-кем ужпумъёсты но быдэс-тӥськом. Улысь Качмашысь школалэсь одӥг люкетсэ, кылсярысь, нылпи садлы висъямы. Озьы 50 пиналлы чаклам нылпи садмы 2,5 мил­лион манет тыр усиз.

Азьланяз быдэстоно ужъ­ёсмы трос на. Тужгес со гурт удысын шӧдӥське. Татын ми фермеръёслы оскиськом – ёросын соос 86 хозяйство. Ужъёсмес азинтыны «500 ферм» программа юрттэ. Ёрос­лэн отчы мыло-кыдо пырись­кемез шӧдскымон ни. Гурт удысын туннэ валтӥсь инты пудо утён удыслы висъяно. Нош сое ӟеч азинтон понна выль технологиос, ужасьёс сярысь вунэтоно ӧвӧл. Уждэ тодыса ке быдэстӥд, йӧл но сӥль дасян – пайдаё удыс. Ёросмы куке но картофка бу­дэтон бордын тыршиз. Туннэ та удысэз но азинтон сярысь малпаськом. Но со понна ны­рысь ик бакча сиёнэз возён интыос дасяно.

- Пӧртэм ужъёс пӧлын бергаса, шутэтскыны дыр шедьтӥськоды меда?

- Шутэтскыны дыр чик уг тырмы. Азьвыл мон кроликъ­ёс вордӥсько вал. Нош берло со сярысь вунэтоно луиз – со­ослы дыр ӧвӧл. Ужъёс куспын вис луэ ке, инкуазе потыны тыршисько. Яратӥсько куасэн ветлыны. Гажасько спортэз – телевизор пыр хоккей, во­лейбол учкыны тыршисько.

- Яратоно сиёнды сярысь вералэ вал.

- Кузпалылэсь пӧзьтэм котькуд сиёнзэ яратыса си­исько. Озьы ке но, шашлыкез, кылсярысь, ачим дасясько.

- Рецептсэ, оло, верало­ды?

- Отын номыр паймымонэз ӧвӧл, сюлэм шуныттэ гинэ сётыны вунэтоно ӧвӧл.

Андрей НИЧКОВ.

Калтасы ёрос.

1244

Оставить сообщение:

НАШИ ПАРТНЕРЫ