icon_gotop
18+
autorisation
Войти | Регистрация
Время в Татышле
04:42
Sunday, 28 Ноября
Рекламный баннер 990x90px top

Ӟырдыт нюръяськон - бадӟым вормон

2015-01-15

Нылъёс Максим школалэн спортзалаз шудӥзы. Нырысь пумиськизы Бадӟым Гонды­рысь но Выль Татышлыысь командаос (тренеръёссы Р. А. Нуриев но А. И. Сабан­чин). Шудон кутскем бере ик шӧдӥськиз: гондыръёс ужрадэ зол дасяськемын. Ӟырдыт нюръяськонын соос ик вормизы. Бӧрысь выль та­тышлыос Бадӟым Качакысь нылъёсын (тренерзы Г. Ю. Ти­мирбаев) ваче пумит султӥзы. Татын кинъёс кужмогес луо­зы меда? Туп площадкаысен площадкае «лоба», шуккыны гинэ вутскы.

- Матчбол! - ивортэ судья. Кужмогес луизы Выль Татыш­лыысь нылъёс.

Площадкаын – гондыръёс но качакъёс. Шудӥсьёслэн малпанъёсазы – вормон. За­лын ӟырдыт нюръяськон пу­ромиз. Выль татышлыосын шудыкуз выллем ик, татын но Бадӟым Гондырысь команда зол шудӥз. Озьыен, нылъёс пӧлын нырысетӥ интыын луи­зы бадӟым гондыръёс, кыкетӥ – выль татышлыос. Бадӟым Качакысь командалы куинетӥ интыен буйгатсконо луиз.

Пиос пӧлын нырысь пу­миськизы Бадӟым Гондырысь но Максимысь командаос. Соосты воштӥзы качакъёс но сандугачъёс. Бӧрысь шудон таӵе амалэн радъяськиз: улысь балтачъёс максимъ­ёсын шудӥзы, уразгильды­ос – сандугачъёсын, улысь балтачъёс – гондыръёсын, уразгильдыос – качакъёсын. Берлогес витетӥ но куатетӥ интыос понна нюръяськизы Максимысь но Сандугачысь командаос(тренеръёссы С.М. Мингазиев но А. П. Мин­либаев). Кужмогес луизы максимъёс, сандугачъёс – куатетӥ интыын.

Финал. Татын кужым­зэс мертано луизы тужгес кужмоесь волейболистъёс: Бадӟым Гондырысь (тре­нерзы Р. А. Нуриев), Бадӟым Качакысь (Г. Ю. Тимирбаев), Улысь Балтачысь (Ю. В. Гу­баев) но Уразгильдыысь (А. И. Гафиуллин) командаос. Финалэз усьтӥзы балтачъёс но качакъёс. Нырысетӥ ми­нутысен ик шудӥсьёс пӧлын «пӧсь» нюръяськон пуромиз. Малпаськыны дыр ӧвӧл, ӝог лобись тупез дыраз быга­тыса шукконо, соперниклэн площадкаяз уськытоно. Ян­гышаны уг яра.

Одӥг пичи янгыш быдэс шудонлы сылыны быгатэ. Омыр ӟырдамын, пиос зол нюръясько. Зал висисьёслэн куараосынызы тырмиз. 2:0. Вормизы балтачъёс.

Шудон азинске. Нюръясь­кыны потӥзы уразгильдыос но гондыръёс. Волейбол площад­каын вормиз Уразгильдыысь команда. Соосты воштӥзы качакъёс. Таиз шудонын гон­дыръёслы секыт йӧтоз, дыр. Шудонэз соос чик шутэтскы­тэк но азьланьтозы. Жадемын ке но, гондыръёс сётскыны уг малпало, усто шудо. Тупез си­нйылтыны но уд вуы, ӝог выже со киысь кие. Нырысетӥ пар­тия йылпумъяськиз: ворми­сьёс – гондыръёс. Кыкетӥ шу­донын кинлы меда удалтоз? Дугдылытэк кык командао­сын шудӥзы ке но, гондыръёс кужмогес луизы. Озьыен, соос туннэ куинетӥ интыын.

Нырысетӥ но кыкетӥ инты понна нюръяськыны потӥзы Улысь Балтачысь но Уразгильдыысь командаос. Учкисьёс-висисьёс куспазы тунало: кинлы кубок шедёз. Шудон кутскиз. Площадкаын – кужмоослэсь кужмоос. Зал кужмо кичабонъёсын тыр­миз. Нырысетӥ шудонын ураз­гильдыос «куасалтӥзы» бал­тачъёсты. Мар луоз кыкетӥ шудонын? Со шараялоз меда вормисьёсты, яке командаос куинетӥ ползэ шудозы? 25:18. Вормизы уразгильдыос! Озьы­ен, НКЦ-лэн выжись кубокез туэ Бадӟым Гондырысь но Уразгильдыысь командаос кие шедиз. Со сяна, ужрадын усто шудӥсьёсты пусйизы. «Лучший нападающий» номи­нациысь дипломлы кузё лу­изы Дарья Нуриева но Алек­сандр Шайсламов, «Лучший блокирующий» номинациысь дипломлы – Изабелла Шай­хуллина но Валерий Хазимар­данов, «Лучший связующий» номинациысь дипломлы – Ев­гения Атнабаева но Никита Ельтимиров.

Ужрадэ вуэмъёсты ӟечкылазы БР-ысь удмуртъёс­лэн НКЦ-енызы кивалтӥсьлэн Янаул ёросъя воштӥсез Ю. С. Саитов, Сандугач гурт посе­ленилэн администрациеныз кивалтӥсь Т. Ш. Куснияров, Сандугач школаен кивалтӥсь А. А. Алексеев. Ӵошатсконэз радъяны юрттэт возьматӥзы Сандугач гурт поселенилэн администрациез, «АгроМ» ООО, Максим но Сандугач школаын ужасьёс.

Фотоос: http://vk.com/album-38983890_209836216

Миляуша БУЛАТОВА.

Янаул ёрос.

2584

Оставить сообщение: