icon_gotop
18+
autorisation
Войти | Регистрация
Время в Татышле
14:41
Sunday, 17 Октября
Рекламный баннер 990x90px top

Пулэсь тылобурдо но улэп адӟиське

2015-01-15

- Пуэн лэсьтӥськыны мон егитысен ик кутски. Нырысь ӝӧк, пуконъёс лэсьтон бор­дын тырши. Берло пӧртэм ты­лобурдоосты, пӧйшуръёсты пӧрмытъяны кутски, – вера Бурай ёросысь Мамады гур­тын улӥсь Рудик Гадельяно­вич Шаяхметов.

Кема ӧвӧл соос выль юрт ӝутыса пыриллям. Корказы пырем бере ик татын усто ки­осын адями улэ шуыса тодмо. Пулэсь лэсьтэм чебересь ӝӧкъёс, пуконъёс, пӧртэм ӝажыос син шоры йӧто. Выль ужъёсызлы эскизъёс Рудик Гадельянович интернетысь, пе, басьтӥсько. Котькуд ужзэ со сюлмысь лэсьтэ. Гужем пӧртэм ужъёсын вырись вор­горон лэсьтӥськон ужъёссэ палэнэ каре. Вакытэз юрт котыраз ужаса, турын дася­са, бакча ужъёсты лэсьтыса ортче. Нош сӥзьыл но толал­тэ выльысь ужаны кутске. Тумбочкаос, шкафъёс, гар­динаос, ӝӧкъёс вузаны но лэсьтэ. Лэсьтэм ужъёсызлы синмасько, выль заказъёсыз но луо. Пулэсь лэсьтэм ужъ­ёсыз шоры учкыса паймоно: ма гинэ уг пӧрмыто усто киос! Син шорам борддоры юнматэм губи йӧтэ. Нюлэскы ветлыкуз со писпу бордын будӥсь губиез шедьтэм. До­раз вайыса, губилэн котыраз чебер тылобурдо лэсьтыса пуктэм. Кибашлы адямилы дыдыкъёс, пе, кельшо. Ужъ­ёсыз пӧлын но та бурдоос вань. Киосам кутыса пулэсь лэсьтэм ужзэ учкисько. Кы­зьы таӵе ужъёсты пулэсь пӧрмытыны луэ? Со пумысен Рудик Гадельянович таӵе валэктон сётӥз:

- Лэсьтыны малпам уждэ мылпотыса кутскид ке, со ӟеч пӧрме. Котькуд лэсьто­но ужед нырысь ик аслыд кельшыны кулэ. Нош бӧрысь, лэсьтэм бере, котырысь адя­миослы.

Рудик Гадельянови­чез гуртазы но гажало, се­мьяяз но со учкымон луэ. Лэсьтӥськон ужъёсын вырем сяна, усто пиосмурт муш но вордэ, пудо-животсы но трос.

Ирина САМИГУЛОВА.

Бурай ёрос.

2346

Оставить сообщение:

НАШИ ПАРТНЕРЫ