icon_gotop
18+
autorisation
Войти | Регистрация
Время в Татышле
15:37
Пятница, 29 Марта
Рекламный баннер 990x90px top

«Жин-жин гырлыен, жингыр-жингыр арганэн…»

08:25 04.12.2014

Вӧсясьёс Инмарлы ва­зиськизы, ужрадэ люкась­кемъёс ческыт ӝук веръязы. Озьы праздниклэн нырысетӥ люкетэз йылпумъяськиз. Нош кин лыктыны быгатымтэ, вӧсяськем ӝукез одно дора­зы вуттозы: озьыен, со туннэ ёросысь котькуд удмурт гур­тэ вӧлмоз.

Праздникез «Дӧдьы кыт­кон» азьланьтӥз. Ульча кузя огезлэсь ӝоггес мукетыз, вуись толэз данъяса выллем, жин-жин гырлыосын, жингыр-жингыр арганъёсын ортчизы кыткем валъёс. Калыкен ӵош шулдыръяськыны празднике Лӧпшо Педунен Гондыр но вуизы. Задор эктон гуръёс, тунсыко ӵошатсконъёс коть­кинлэсь мылкыдзэ ӝутӥзы. Дӧдьы кытконын усто вор­горонъёс куспазы кужымзэс мертазы. Татын котькинлэсь ӝог луиз Валерий Нигамат­зянов.

Бӧрысь шулдыр концерт кутскиз. Жаляса верано, гур­тын клуб луымтэен, учки­сьёслы пичи фойее тэроно луиз. Пусйыны кулэ, ужрадэ вуэмъёс пӧлын арлыдоос трос вал. Шаер ужрадэ трос куноос вуизы. Люкаськем калыкез праздникен ӟечкылазы Пермь шаерысь губернаторлэн ад­министрациысьтыз йӧскалык политикая ёзэтысь валтӥсь ӧнерчи Д. В. Пехтерев, Удмурт Элькунысь Камсьӧр удмур­тъёслэн огазеяськонэнызы кивалтӥсь Ф. А. Чибышева, Пермьысь Калык творчествоя юртысь ӧнерчи М. Е. Суханова, Истори наукаосъя доктор А. В. Черных, Куеда ёрос админи­страциысь внутренней поли­тикая ёзэтэн кивалтӥсьлэн воштӥсез А. Н. Переславцев, Куеда ёросысь удмурт огазе­яськонэн но Бадӟым Гондыр гурт поселениен кивалтӥсьёс С. И. Гадиятов но Ф. Р. Гайтиев. Ӟечкылан кылъёсты шулдыр кырӟанъёс, крезьгуръёс, эк­тонъёс воштӥзы. Нырысь ик сцена вылэ потӥзы кузёос – «Тюрагай» калык ансамбль (кивалтӥсез Ф. Гарифулли­на). Учкисьёс туж шуныт пу­митазы Удмурт Элькунысь вуэм «Арганчи» (кивалтӥсез Т. Михайлова) но «Тюрагай» (кивалтӥсез В. Белых), Сверд­ловск улосвылысь «Ошмес» (кивалтӥсез Г. Шамшияров) ансамбльёсты. Озьы ик ӝытэз шулдыртӥзы ёросысь «Уӵы», «Зангари», «Купанча», «Уӵы пиос» удмурт фольклор ан­самбльёс. Кужмо кичабонъёс та ӝытэ кема чузъяськизы на.

Вашкала дыръя «Тол вӧсь» праздник эктон-шулдыръясь­конъёсын гинэ уг йылпумъ­яськы вылэм: гуртоос ог-огзы доры куное кожылӥллям. Уж­радэз дасясьёс туэ та йыло­лэз «улӟытыны» малпаллям. Кыдёкысь куноосты паймымон бадӟым, шулдыр, югыт коркао­сазы ӝӧквыл тыр сиён-юонэн, ческыт пӧръёсын шуныт пуми­тазы Валентина но Мелафтин Балтиновъёслэн, Анна но Мен­гали Яманаевъёслэн семьяос­сы. Кузёос Бадӟым Гондырын улӥсь удмуртъёслэсь куно пу­митан-сектан сям-йылолзэс усто возьматӥзы.

Миляуша БУЛАТОВА.

Куеда ёрос.

6965

Оставить сообщение: