icon_gotop
18+
autorisation
Войти | Регистрация
Время в Татышле
11:22
Sunday, 17 Октября
Рекламный баннер 990x90px top

«Анаймурт луон - бадӟым дан»

2014-11-27

Насибуллинъёслэн выль юр­тазы вуыса, кузёосын матысьгес тодматскиськом. Афанасийлэн но Галиналэн семьязы дас тямыс ар талэсь азьвыл кылдӥз. Со дырысен кузпалъёс выль юрт ӝутыны вутски­зы ни, одӥгез бӧрсьы мукетыз пи­налъёссы вордӥськизы. Одӥг пизэс но ньыль нылъёссэс будэтон сярысь сюлмаськонэн тырмем анай-атайлы ужъёссэс радъяны капчи, нылпиоссы бадӟым юрттӥсьёс луо. Бадӟымез Денис пизы дас одӥгетӥ классын дышетске, Диана но Алина нылъёссы - тямысэтӥ но куинетӥ классъёсын. Пичиосызлы Элиналы ньыль арес, нош Дарьялы - одӥг. Озьы ке но пи­чиосыз бадӟымъёс сьӧры кыстӥсько ни, агайзылэсь но апайёссылэсь ваньмызлы дышетскыны тыршо.

Нылпиослы визь-кенеш сётӥсь но матысь эш луэ песянайзы. Сабира апайлэн котькуд нуналыз внукъёс­сэ будэтыны юрттон сярысь сюл­маськонъёсын ортче. Сабира апай Гыльмияр кузпалыныз 53 ар ӵоже ни ӵошен уло. Песянаен-песятай ныл­пиоссы понна туж шумпото. Укмыс адямилэсь сылӥсь бадӟым семьяязы ог-огдэ валан, матысьёсыд сярысь сюлмаськон мылкыд кузёяське. Юртлэн кузёосыз доры вуылыку, ми тросгес Галинаен вераським.

- Медаль басьтыкуды кыӵе мал­панъёс йырады бергазы? – юасько мон анаймуртлэсь. Галина пальпо­тыса вера:

- Шумпотон мылкыд вал. Анай­мурт луон - со бадӟым дан, трос чидано, троссэ вормыны быгатоно. Нылпиослы улон сётэм сяна, соосты будэтыны, утялтыны тыршоно, та улон сюресэз ӟеч ортчыны дышетоно. Анаймурт понна вордэм нылпиосыз котькудӥз дуно. Со ноку висъяса огзэ гинэ яратыны уз быгаты. Анай­муртлэсь ужзэ, данзэ, вылӥ кивалтэт дунъяны быгатэ шуыса шумпотӥсько. Республикаысь дано анаймуртъёслэн радазы сылон мон понна бадӟым шум­потон луиз.

Галинаен вераськыку, юрт­лэн кузёез, Афанасий, милемыз кылзӥськыса шыпыт гинэ пукиз. Вор­горон шоры учкыса ик валамон: со – зэмос удмурт пиосмурт, кудӥз трос уз вераськы, но сюлмысь юрттыны но, дыраз валаны но быгатоз. Афанасий гурт хозяйствоын тырше, «Колхоз Восток» СПК-ын механизатор луыса ужа. Вераськонмес йылпумъяку, мон ньыль арес Элиналэсь юай:

- Дорысьтыды тон кинэ тужгес зол яратӥськод?

Элина атаез шоры учкиз но бор­даз юн-юн ӟыгырскиз. Озьыен, кылъё­стэк но валамон, Насибуллинъёслэн семьяязы кужмо яратон кузёяське шуыса. Выль юртазы югыт но чебер, вузы, газзы, канализацизы, интернет­сы вань. Соос улонзэс тыр но шулдыр карыны юртто.

Та нуналъёсы трос нылпиен анаймуртэз одӥгез гинэ сюлэмшугъ­яськытэ: гуртазы нуись сюрессы туж урод. «Гуртэ ваись сюресмес ке лэсьтысалзы, сӥзьыл но тулыс ва­кытъёсы, пеллясь тол куазьёсы гурт калыкмылы курадӟоно ӧй луысал ни», – шуиз Галина милемыз келяны потыса. Нош Афанасий ми сярысь сюл­маськыса телефон номерзэ сётӥз.

- Гурт пумысен уллане васькыса бур палтӥ кошке, отӥ сюрес умойгес. Нош сюрес урдсы усёно луиды ке, одно ик жингыртэ, трактореным вуо, – шуиз со.

Насибуллинъёслэн семьяенызы матысь тодматскыса, Выль Варяш гурт сярысь туж шуныт малпанъёс кылизы. Юнме уг шуо ук, гуртлэн чеберез адямиосыз бордын.

Ирина САМИГУЛОВА.

Янаул ёрос.

2014

Оставить сообщение:

НАШИ ПАРТНЕРЫ