icon_gotop
18+
autorisation
Войти | Регистрация
Время в Татышле
06:32
Четверг, 5 Августа
Рекламный баннер 990x90px top

Кырӟаны-эктыны быгатонлыкез аръёс уг ышто

2014-11-20

Калмиярын нырысетӥзэ клуб колхозлэн кужыме­ныз 1960-тӥ арын пуктэ­мын. Та юртэ калыклы лыдӟиськыны инты висъяны но вунэтӥллямтэ. Нош сое книгаосын тырмытон пон­на отчы Петропавловкаысь библиотекаез выжтӥллям. Та вакытэ библиотекарьлы пӧртэм ужъёсты ас вылаз басьтоно луэм: со клубен но кивалтэм, калыкез пӧртэм концертъёсы но дасяллям, лыдӟиськонэн но эшъясь­кытэм. Со сярысь ивортӥз 1969-1971-тӥ аръёсы библи­отекарьын ужам Анатолий Петрович Юминский. «Соку гуртын егитъёс трос вал. Соос котьку клубе шумпо­тыса вуылӥзы, библиотекаын лыдӟиськыса пукылӥзы. Со сяна, пӧртэм спектакльёсы дасяськылӥзы. Крезьгур­чиосын гинэ татын котьку секыт луылӥз», - тодаз ва­ёнъёсыныз люкиськиз со. Та выллем шугъяськон кал­мияръёслэн туннэ нуналозь но утиськемын. Угось татын быдэс гуртлы одӥг арганчи лыдъяське.

1976-тӥ арын Калмия­рысь библиотекаын Ефим Гильмуранович Байрамшин ужаны кутскиз. Та удысын со кык ар тыршиз. Нош собере худруклэсь, кивалтӥсьлэсь ужъёссэ быдэсъяз. 1978-тӥ арын гуртэ выль клуб усьтӥськиз. Соин кивалтӥсе выль адямиез юнматӥзы – Рашит Ефимовез. Та вакытэ гуртысь кырӟась-эктӥсьёс конкурсъёсы пыриськылӥзы, Уфае, Нефтекамске но мукет городъёсы вуылӥзы. Ефим Байрамшин та нуналэ но сцена вылэ шумпотыса потӥз, Ямига кузпалыныз учкисьёс­лы шулдыр удмурт кырӟанзэс кузьмазы.

1990-тӥ арын гуртысь культура юртэн кивалто­нэз Владимир Шайсламовлы оскизы. Чылкак соку отчы выль костюмъёс, крезьгуро инструментъёс басьтӥзы, крезьгуро инструментъёсын шудӥсьёс нимысьтыз ан­самбль кылдытӥзы. Культура юртлэн улоназ трос егитъёс мыло-кыдо пыриськизы.

Туннэ культура юртэн Ралия Муллаярова кивалтэ. Солэн сюлмаськемез улсын ик таиз ужрад но ортчиз. Жа­ляса верано, культура уды­сын ужам адямиос пӧлысь отчы ваньзы пыриськыны ӧз быгатэ. Нош «Устоез клу­бын ужась» конкурсын Ефим Байрамшин, Светлана Ах­метзянова но Ирина Минлиа­скарова кужымзэс эскеризы. Шӧдӥське, инкуазен сётэм быгатонлыкъёссэс соос аръ­ёс ӵоже но ыштӥллямтэ. «Имидж-шоу» конкурс но сое яркыт возьматӥз. Конкур­сантъёс котькудзы сямен асьсэ сярысь кырӟан пыр веразы. Нош жюрилэн сётэм лыдпусъёсызъя, таяз кон­курсын устогес луиз И. Мин­лиаскарова. Нош бӧрысь соос­лэсь быгатонлыксэс дунъян секытэнгес сётӥськиз. Сцена вылын быдэстэм котькудӥз номер чебер адӟиськиз. Ири­на Минлиаскарова но Ефим Байрамшин шулдыр кырӟазы, нош Светлана Ахметзянова шаплы эктӥз. Вожвылъясь­конэз йылпумъяса, конкурсэ пыриськисьёслы нимысьтыз уж быдэстоно луиз. С. Ах­метзяновалы, кылсярысь, ки улаз шедем арбериосын крезьгур кылдытоно вал. Жюри солэсь ужзэ, мукетъёс­лэсь сямен ик, вылӥ дунъяз.

Конкурсын нырысетӥ ин­тыез жюри Ирина Минлиаска­ровалы сётӥз. Нош кыкетӥ ин­тые Ефим Байрамшин потӥз, куинетӥе – Светлана Ахмет­зянова.

Та ӝытэ культура юртын трос кырӟан-эктон гуръёс чузъяськизы. Учкисьёс «Лыз­гырлы» вокал но «Италмас» эктон ансамбльёс, Светлана Мардамшина но Вилия Шай­султанова, Елена Шайсламо­ва но Катерина Хайдаршина, Вилорий Агъяфаров но Инди­ра Шайсламова шулдыртӥзы. Концертлы школаысь пиос­мурт дышетӥсьёслэн вокал ансамбльзы аспӧртэм шӧм пыӵатӥз. «Культура удысын тыршем адямиосын пумись­кон но концерт тунсыко пӧрмизы, - веразы берло жю­рилэн ёзчиосыз. – Со сяна, соос куд-ог тырмымтэосты но шараязы». Та выллем кылъёс культура юртысь туннэ нуна­лэ тыршисьёсты выль ужъёсы бурдъязы. Уго азьпалан со­осты пӧртэм ужрадъёс витё на. Нош татысь эктӥсьёсты, кылсярысь, котькуд концер­тын шумпотыса витё.

Ольга НИГАМАТУЛЛИНА.

Татышлы ёрос.

1678

Оставить сообщение:

НАШИ ПАРТНЕРЫ