Укмыстон аръёслэсь лёгиськем сюрес

Фархулла Гильманшино­вичлэн егит дырыз ожмась­кон тылуэн сутӥськемын. Берлинозь вуэм солдатлэн дор палъёсаз сюресэз тямыс ар кыстӥськем. Ожмаськонэз пыр потыса, со куашкам гурт хозяйствоез утон борды басьтӥськем. Шофёр, складъ­ёсын кивалтӥсь луыса ужам, бӧрысь нюлэс хозяйстволы сӥзем удысэ лыктэм. Нюлэс хозяйствоын ужанлы Фар­хулла Гильманшинович 21 арзэ сётэм. Татысен ик шу­тэтскыны потэм. Сюлмысь ужамез понна, со «Победи­тель социалистического соревнования», «Ударник коммунистического труда» нимъёслы трос пол кузё лу­ылэм. Кузпалэныз 50 арлэсь кема ӵошен улӥллям, вить нылпизы луэм. Али дыре со - яратоно атай, варматай, песятай но ӵужатай. Лулпушсэ дас внукъёсыз но дас правнукъёсыз шумпотто. Та нуналъёсы гажамон адя­ми аслэсьтыз нылпиоссэ, внукъёссэ шумпотыса пуми­таз. Сакина нылыз но Фёдор эмеспиез дорын пересьмон нуналъёссэ ортчытӥсь юби­лярлэн корказ трос кунооос люкаськизы. Дуно адямизэс ӟечкыласа сюлмысь потэм шуныт кылъёссэс веразы.

Ирина ХУЗИАХМЕТОВА.