icon_gotop
18+
autorisation
Войти | Регистрация
Время в Татышле
13:23
Пятница, 29 Марта
Рекламный баннер 990x90px top

«Тӥ нылпи сюлэмъёсын сайкыт малпан кылдытӥськоды…»

13:26 02.10.2014

Азьвыл аръёсы Кирга шко­лаен кивалтэм кышномуртэн пумиськылэме луиз ке но, со пумиськонъёс уж куспын гинэ луизы. Нош таиз ӝытэ кемалы тодэ кыльымон луиз. Ӝӧк сьӧрын Анастасия Гав­риловнаен артэ пукыса валай: макем со кужмо, секытлыкъ­ёсты пыр потыны быгатӥсь, визьмо, со дыре ик ненег кыш­номурт. Вераны кулэ на, со – туж благородной кышномурт. Сыӵе сямыз солэн котькы­тын шӧдӥське: ассэ быгатыса возьматонын но, вераськонын но, юртъер котырзэ утялтон-чеберъянын но. Анастасия Гавриловна – умой валанэн, бадӟым быгатонлыко адями.

Киргай, киргаз, кирга. Та кылъёс «кирганы» глагол­лэсь пӧрмемын. Солэн одӥгез значениез «ышыны» кылэз валэктэ. Янаул палъёсысь бускель ёросысь Кирга гуртэ вуэм нылашез татысь калык пӧлы ышем, йыромем шуыны уг луы. Ньыльдон арлэсь ятыр ини Анастасия Гавриловна та­тын гажано адями. 22 арлэсь кема со школаен кивалтэм. Со дыре, Анастасия Гавриловна сяна, Киргаын вылӥ тодэмо дышетӥсьёс вылӥллямтэ. Соин ик кивалтон ужез кыш­номуртлы ӵектӥллям. Кивал­тыны кутскыкуз, школаын воргоронъёслэн коллективзы вылэм. Анастасия Гаврилов­налы секыт ке но йӧтэм, солэн ваньмыз пӧрмем. Тыршеменыз, трос инстанциосы вуылэ­меныз, Кирга гуртын выль кирпичлэсь школа ӝужам. Анастасия Гавриловна школа­ен кивалтыку, киргаос коть­куд ужрадъёсын нырысетӥос пӧлын лыдъяськиллям. Та йы­лол школаын туннэ нуналозь но возиськемын. Ас ужезлы быдэс улонзэ сётэм арлыдо дышетӥсь туннэ но нылпио­сты ас шаердэ, выжыдэ, калык­тэ гажаны, утьыны дышетэ. Солэн кичӧлтэмезъя, гуртын шаертодонъя музей кылды­тэмын. Югыт малпанъёсыз, пумтэм кужымез юрттӥллям Анастасия Гавриловналы пи­налъёсты люкаса бадӟым уж быдэстыны. Кирга школалэн музеез ёросысь ӟеч музейёс пӧлын лыдъяське. Нылпиос шумпотыса пырисько шаерто­донъя ужрадъёсы. Музее вуэм куноосты соос удмуртъёслэн сям-йылолъёсынызы тодма­то, гуртсылэн, школазылэн историзы сярысь верало. Пиналъёсын пумиськыса, ар­лыдо дышетӥсь выльысь шко­лаын ужам аръёсаз берытске кадь, мылкыдыз но солэн нылпиос вӧзын ӝутӥське.

Урод улонлы ӝожтӥськон, астэ жалян – та кылъёс Анастасия Гавриловна ся­рысь ӧвӧл. Со шуныт тодэ ваёнъёсыныз улэ. Гажано дышетӥсьлы, туж ӟеч кыш­номуртлы, котьку юрттэт возьматыны дась луись адя­милы юн тазалык, сабырлык но каньыл улон сӥземе потэ. Сайкыт улонады Тӥледыз котьку мед шумпоттозы ныл­пиос. Тӥляд выпускникъёсты понна школа котьку оскымон гавань выллем мед луоз.

Анна БАЙДУЛЛИНА.

4610

Оставить сообщение: