icon_gotop
18+
autorisation
Войти | Регистрация
Время в Татышле
14:00
Вторник, 19 Октября
Рекламный баннер 990x90px top

«Ми - ӵошен!»

2014-10-02

25-26-тӥ куарусёнэ респу­бликаысь укмыс профильной лагерьёс Уфае вуылӥзы. Отын культурно-лингвистической лагерьёслэн «Мы – вместе!» республика фестивальзы орт­чиз. Соос пӧлын «Усточикар» лагерь но луиз. Лагерьлэсь ужзэ, ортчем сменалэсь про­граммазэ возьматӥзы Улысь Балтач школаысь пиналъёс: Михаил Адуллин, Валерия Гайниярова, Константин Зи­дыганов, Влас Кайранов, Ека­терина Шайсламова, Валерия Губаева. Пиналъёсын ӵош де­легациын луизы Улысь Бал­тач школаен кивалтӥсь Л. Л. Зидымаков но удмурт кылъя но литературая дышетӥсь З. Т. Шарафутдинова, та аре «Усточикарен» кивалтэм И. А. Гайнияров.

Кык нунал куспын пи­налъёс ма гинэ лэсьтыны ӧз вуэлэ? Фестивальлэн про­граммаяз «Культура меж­национальных отношений - условие формирования толерантности культур­ных центров РБ» котырес ӝӧк радъяськиз. Йӧскалык пӧръёслы сӥзем «Кухня на­родов Башкортостана» празд­ник луиз. Пиналъёс отын удмурт калыклэсь «ӵӧжы сиён» йылолзэ возьматӥзы. Национальной шудонъёсын шудыса, этнокультурной кве­стэ пыриськыса, фестивале вуэм нылъёс но пиос трос выльзэ адӟизы, тодӥзы. Со сяна, асьсэ калыксылэсь сям-йылолъёссэс, пӧрамъёссэс, декоративно-прикладной творчествозэс возьматыны быгатӥзы. Фестивальлэн йылпумъянъёсызъя В. Гу­баеваез, В. Гайнияроваез, В. Кайрановез, пӧртэм ласянь устолыксэс возьматэмзы понна, синпель кузьымъёсын ӟечкылазы. Нош дышетӥсьсы З. Т. Шарафутдинова Баш­кортостанысь Егитъёсын ужанъя кун комитетлэн тау карон гожтэтэныз пусъемын.

Ирина САМИГУЛОВА.

2774

Оставить сообщение:

НАШИ ПАРТНЕРЫ