Тау карон кылъёсын вазиськиз

Башкортостан Респу­бликаысь ЦИК-лэн сётэм лыдпусъёсызъя, Рустэм Ха­митов 81,71% куара люказ, Юнир Кутлугужин – 10,13%, Иван Сухарев – 4,81%, Иль­дар Бикбаев – 2,62%.

Сильтӧл ортчем интыо­сын но быръёнъёс азинлы­ко ортчизы. Уфа, Белебей, Белорецк но Стерлитамак городъёсын син висёнъёсын курадњись сӧсыръёс понна нимысьтыз быръён уча­стокъёс кылдытэмын вал.

Быръёнъёсы азинлыко пыриськеменызы висъясь­кизы Татышлы, Илиш, Бал­тач но Краснокама ёросъёс: огъя 86-91% калык лыктӥз.

Быръёнъёсы азинлыко пыриськемзы понна, респу­бликаын улӥсьёслы Рустэм Хамитов тау карон кылъё­сын вазиськиз, аслаз осконо адямиосызлэн ужъёссылы вылӥдунъет сётӥз. Респу­бликалэн Президентэзлы кандидатъёс пӧлын луэмъ­ёслы вазиськыса со шуиз:

- Ваньмы пӧяськытэк, огкылысь ужамы. Соин ик быръёнъёс но шыпыт орт­чизы, нокыӵе пумитъясь­конъёс ӧз луэ. Валасько, мон понна куаразэс сётэм адямиос азьын мон кыл кутоно луисько. Тодӥсько, азьпалан азьвыл сямен ик ужано: пӧяськытэк, ужась калыкез валаса но солы юрттыса.

Дасяз Миляуша БУЛАТОВА.