icon_gotop
18+
autorisation
Войти | Регистрация
Время в Татышле
06:07
Четверг, 5 Августа
Рекламный баннер 990x90px top

Лулчеберет удысын устоесь, спортын нош – кужмоесь

2014-09-18

Ужрадэ пыриськизы ёрос администрациен кивалтӥсь Рушан Гараев, солэн социаль­ной ужпумъёсъя воштӥсез Ралиф Рахимов, ёросысь спор­тъя но егитъёслэн ужъёссыя ёзэтэн кивалтӥсь Насибулла Хуснуллин. Нош РФ-ысь но БР-ысь дано кырӟасьлэн, Та­тарстан Республикаысь калык артистлэн Салават Фатхут­диновлэн вуэмез ужрадлы аспӧртэм кужым ватсаз.

Ужрадэз усьтыса, лулче­берет удысын ужасьёслы Ру­шан Гараев вормонъёс сӥзиз. Тазалыко улонэз азинтонын та ужрад валтӥсь интыын луэ шуыса пусйиз. Ӵошатсконэ вуэмъёслы Салават Фатхут­динов но сюлмысь, шуныт кылъёссэ вераз:

- Мон данъяськисько вордскем музъемам улӥсь тыршись, ужез гажась калыке­ным. Тӥулонлэсь шӧмзэ вала­са улыны дышемын. Шаерамы котьку шыпытлык но каньыл улон мед луоз.

Насибулла Хуснуллин ёрослэн спортын утэм вор­монъёсыныз тодматӥз. Ужра­дэ огъя 150 адями пыриськиз.

«Валтӥсь ужпум – фини­ше вуон!», - таӵе кылъёсын бурдъяз ужасьёссэ ёросысь культура ёзэтэн кивалтӥсь Са­лим Гарифуллин. Серекъянэн, шумпотонэн кутскем шудон кужмо ӵошатсконлы пӧрмиз. Омыр «висисьёслэн» куарао­сынызы ӟырдамын вал. Кинлы ке но дистанциез ортчон кап­чиен сётӥськиз, кинлы ке нош пӧсяно луиз. Тани вормисьё­сты данъян дыр вуиз. Авто­гонкаосъя спортъя мастерлэн, Россиысь чемпионлэн Салават Закиевичлэн кузьымъёсызлы котькин шумпотӥз.

Ыбылӥськонын нырысетӥлуиз Искусствоя нылпи шко­лаысь команда, кыкетӥин­тыын – библиотекаын ужа­сьёслэн командазы, куинетӥ– МКДЦ-лэн командаез.

Капчи атлетикаын ворми­сьёс пӧлын луизы Улысь Бал­тачысь Янис Рафиков, Алик Кайранов но Рим Баймиев, Вязовкаысь Фанил Нуриах­метов, Калмиярысь Индира Шайсламова, Уразгильдыысь Зульфира Хатипова. Кужмо уясь нимен пусъемын Вылысь Татышлыысь Вахит Нуриханов.

Ужрад шулдыръяськонъ­ёсын йылпумъяськиз. Пеймы­татозь возь вылын шулдыр крезьгур чузъяськиз.

Гульшат БАЛАГУТДИНОВА.

Татышлы ёрос.

1596

Оставить сообщение:

НАШИ ПАРТНЕРЫ