icon_gotop
18+
autorisation
Войти | Регистрация
Время в Татышле
13:51
Вторник, 19 Октября
Рекламный баннер 990x90px top

Йӧл шуръёс мед бызёзы

2014-09-10

Та выллем шулдыръясь­кон арлы быдэ трос калыкез огазея. Таяз арын, кылся­рысь, отчы 50 сюрслэсь трос калык люкаськиз. Ужрадлэн спонсорез «Уфамолагропром» («Вимм-Биль-Данн» ОАО-лэн филиалэз) соосты котькудзэс ческыт йӧлэн кунояны дыртӥз. Озьы та нуналэ 10 тонналы матэ йӧл быриз. Со сяна, «Мо­лочная ярмарка» но «Фер­мерский рынок» люкетъёсын 48 тонна йӧл, вить тонналы матэ нӧкы вӧй, 3,7 тонналы матэ сыр, 2,3 тонна морожен­ной но мукет пӧртэм вузъёс вӧлмытэмын. Та лыдпусъёс пумысен паймонэз ӧвӧл, вылды, уго республикаямы улӥсьёс пӧлысь тросэз йӧллэсь дасям сиён-юонэз гажало. Россиысь котькуд адями, кылсярысь, араз сое 250 килограмм сие. Нош РФ-ысь Тазалыкез утёнъя министерстволэн лыдпусъё­сызъя, со 350 килограммлы ӵошаны кулэ. Озьыен, шаерамы улӥсь кулэезлэсь 74 процентсэ сие. Туннэ нуналэ тужгес ӧжыт йӧл юо Бразилиын улӥсьёс (41 процент). Нош Башкортостан та ласянь но троссэ шаеръёсты азьпалтэ – татысь лыдпус 95 процентлы ӵоша. Республика­мылэн йӧл кыскон лыдпусъё­саз котькуд ёрослэн люкетэз шӧдскымон. Янаул ёросын, кыл­сярысь, 17855 тонна йӧл кыске­мын. Нош Татышлы ёросын та лыдпус 15230 тонналы џоша. Янаулъёсын котькуд скаллэсь шор лыдын 2270 килограмм йӧл дасямын, татышлыосын - 3670 килограмм. Янаул ёросын та ласянь ӟеч ужъёсынызы висъясько «Колхоз Восток», «Победа», «Агрофирма Урада», «АгроМ» гурт хозяйствоос. Та­тышлы ёросын Крупская нимо, «Рассвет» но «Агро-Танып» хозяйствоослы вуисьёс ӧвӧл.

Азьланяз, Россиысь Йӧл дасясьёслэн йӧскалык союзэ­нызы кивалтӥсьлэн Андрей Даниленколэн верамезъя, йӧллэсь дасям вуз калыке ӧжытгес вӧлмоз, дыр. Татын кунгож сьӧрысь шаеръёслэн Россилы пумит кутэм санкци­оссылэн пытьыосыз шӧдӥськоз. Уго али дыре шаерамы 30 мил­лион тонна йӧл дасяло, быдто – 40 миллион тонна. Дас мил­лионзэ кунгож сьӧрысь басьто вал. Азьпалан вить миллион тонна йӧл Белоруссиысь вуоз. Нош кылемзэ асьмелы дасяны сюлмаськоно луоз. Соин ша­ермылэн кивалтэтэз пӧртэм программаос дася. Андрей Даниленколэн верамезъя, Россиын йӧл кыскон ласянь Башкортостан тужгес кужмо регионэн лыдъяське. Отын «500 ферм» программалэн но люкетэз шӧдӥське. Со фер­маосты тупатонын, йӧллэсь ӟечлыксэ ӝутонын бадӟым пыкет луэ. Ӝоген Татышлы ёросысь «Агро-Танып» СПК-ын ужасьёс но, кылсярысь, солэсь пайдазэ шӧдозы. Туннэ отын выль программа улсын одӥгзэ корпусэз тупато.

Республикаын аръёс ӵоже ни йӧл дасянлэсь быдӟалазэ огвыллем возьыны быгато. Табере ужкагазъёсысь пӧечи лыдпусъёс но быдтэмын. Озьы­ен, кагазын но, ужын сямен ик, зэмлык кузёяське.

Ольга НИГАМАТУЛЛИНА.

2144

Оставить сообщение:

НАШИ ПАРТНЕРЫ