icon_gotop
18+
autorisation
Войти | Регистрация
Время в Татышле
05:55
Понедельник, 26 Июля
Рекламный баннер 990x90px top

Кузь ты дурысь Канлы

2014-08-28

Наукаын канлы диалект тодмо. Удмурт тодосчи Риф Насибуллин та гуртысь удмуртъёслэсь вераськонзэс куке но рос-прос эскериз.

Ку кылдэм Канлы гурт? Кытысь, кудпалась вуиллям отчы удмуртъёс? Малы гуртсэс озьы нималлям? Та юанъёслы валэктонъёс утчаса, ми Люза Бадретдиноваен 1992-тӥарын Кушнаренково ёросэ вуылӥм вал. Школаязы (соку отын 28 пиналъёс дышетскизы) пумиськон ортчытэммы бере, мӧйы адямиосын но пумиськылӥм. Канлы школалэн азьвыл директорез Раис Хабитович Губайдуллин соку тазьы мадиз:

– Гуртмы ог 250-300 ар талэсь азьло кылдэмын. Удмуртъёс татчы Пермь областьысь Куеда районысь Гондыр, Эсэт, Кипчак гуртъёсысь лыктӥллям, шуо. Озьы-а, овол-а (канлыос ӧбуква интые о верало, - авт.), сое кин тодэ на. 1959-тӥарын вуылӥГондыр гуртэ. Отын соку улэ вал Эсэтысь укмыстон аресъем пересь. Тӥни со вераз, иськавын Канлые пу­жым мерттыса кельтӥшуыса. Чынзэ но, гуртамы мерттэм пужым соку вал.

Гуртсылэн нимыз пумысен пӧртэм легендаос вань. Со, пе, башкиръёслэн канлы племязы бордысь потэ. Нош малы башкиръёслэсь выжы нимзэс басьтӥзы меда? Ва­лантэм. Тазьы но мадё: удмуртъёс тапала пуксьыкузы ӟучъёсын но, башкиръёсын но жугиськылоно луиллям, соин ик та интыез виресь шуиллям, бигер кылын ве­раса – канлы. Вань на мукет мадёс но. Удмуртъёс ӵемгес жугиськылӥллям ӟучъёсын. Соин сэрен канлыос та интыысь кошкыны но малпаллям вылэм ни, нош бигеръёс татчы ик кыльыны куриллям, ӟучъёслэсь утиськыны дэмен капчигес, пе, луоз.

Канлы палтӥвашкала дыръёсы ик бадӟым сюрес ортче вылэм. Уфа каре но отӥветлӥллям. Верало, Бурай ёросысь удмурт вузчиос бадӟым ты (солэн кузьдалаез ог 12 иськем!) вӧзысь интылы синмаськиллям но отчы пуксиллям, гурт кылдытӥллям шуыса.

Тӥни трос пӧртэм мадёсъ­ёс. Кудӥз шонер, али тодмо ӧвӧл.

Кызь кык ар ортчыса, сюрес нош ик Канлые вуттӥз. Таяз учыре ми тодмо кырӟасен Геннадий Бекмановен ветлӥм. Сюрес сокем кузь ӧз поты. Ижкарысен Канлыозь ог 310 иськем. Гуртсы дорозь ик асфальт сюрес. Азьло сямен ик, канлыос милемыз туж шуныт пумитазы. Гыльба но (картофкаез озьы шуо) пӧзьтӥллям, пыжиськемъёс но дасяллям.

– Перепечмес но эскере, – ӵекто кышномуртъёс. ӝӧк вы­лысь перепечез ум адӟиське.

– Тани перепечмы, - шаньга шоры возьмато…

Кылем даурлэн пумаз Канлые Удмурт драмтеатр ветлэм. Гуртоос сое али но тодазы ваё. Спектакльзы­лэсь пуштроссэ но уг вунэто. Татышлы ёросысь Выль Татышлыысь «Шулдыр ӝыт» ансамбльлэсь концерт возьматэмзэс но тодазы вайыло на.

- Соос сяна ми доры уд­мурт артистъёс, писательёс ӧз вуылэ ни, – вера клублэн кивалтӥсез Ф. Ф. Шаймутдинова. Фаниса Фанисовна – бигер кышномурт, Канлые быземын. Куке но школаен но кивалтӥз. Удмурт сямен вала, гурт ка­лыксы понна сюлмаське. «Италмас» ансамбль но кылдытӥз ни. Табере канлыос но удмурт кырӟанъёссэс пӧртэм интыо­сын возьматъяло.

ӝытазе клубе калык люкаськиз. Буш интыос ӧй вал. Канлыос понна та нунал ву­нонтэм кылёз, дыр. Соос нырысьсэ улэп удмурт кырӟасез адӟизы. Геннадий Бекма­нов мылысь-кыдысь кырӟаз, пӧртэм тунсыко учыръёсыз мадиз. Мон учкисьёсты «Кизили» журналэн тодматӥ, кылбуръёсме лыдӟи, маскара юанъёс сётъяй. Тӥни озьы аспӧртэм пумиськон-концерт пӧрмиз. Клубе лыктэмъёс уд­мурт кырӟанъёсын дискъёс но, книгаос но басьтылӥзы.

- Мынам одӥг бадӟым малпанэ быдэсмиз, - гурт калык азьын шуиз Геннадий Иванович. – Мон тӥдоры вуи! Табере сюрес тодмо. Удмурт театрен татчы ми вуылом на.

Клубе лыктэмъёс азьын мон Канлы гуртлы сӥзем кылбурме лыдӟи. Сое отчы мынон азьын гинэ гожтӥвал. Тани таӵе пӧрмизы чуръёсы:

ӵошкыт-ӵошкыт, ӟеч музъемез

Шедьтӥз аслыз удмурт Канлы.

Вӧзаз кариз Агиделез

Уно-уно дауръёслы.

Гондыр возьын али чалмыт,

Абдрай гопын но мӧзмытгес.

Кузь ты дурын улэ Шыпыт,

Кышка кадь со куараослэсь.

Канлы урам гинэ туннэ

Жингыр вазе вань улосэ.

ӧте ваньзэс со сюанэ,

Егит, пинал каре ассэ.

Кузь ты дурысь чебер Канлы,

Котьку ик лу сэзь но шаплы.

Тыныд – тросгес шумпотонъёс,

Шуныт, небыт юг нуналъёс!

Зэмзэ но, Канлы гурт туж чебер интые пуксемын. Ка­лыкез но отын ӟеч. Мукет удмурт гуртъёслэсь палэ­нынгес улыса, соос калык сямъёссэс, анай кылзэс азь­ланьын но утьыны, азинтыны мед быгатозы. Та ласянь Удмуртиысь артистъёс, писа­тельёс, тодосчиос но канлы­ослы мед юрттылозы вылэм.

Ульфат БАДРЕТДИНОВ.

Ижкар – Канлы – Ижкар.

1597

Оставить сообщение:

НАШИ ПАРТНЕРЫ