icon_gotop
18+
autorisation
Войти | Регистрация
Время в Татышле
05:43
Понедельник, 26 Июля
Рекламный баннер 990x90px top

Анай-атайлэн ваньбурез – нылпилэн узырлыкез

2014-08-21

Аркадий Каюмовичлы но ӧз кылды выль комбайнэн бусы ужъёсты быдэсты­ны. Со секыт сӧсырмыны шедьтӥз. Озьы ке но кузпал но атаймурт ӧз чигиськы, эмъяськыны кужым шедьтӥз. Гульсима Алексеевна но та вакытэ солы котьма ласянь юрттыны тыршиз. Юрт коты­рысьтыз вань ужъёсты со ас вылаз ныпъяз, куинь пиоссэ но утялтыны вутскиз. Туннэ соос котькудзы асьсэлэн се­мьяосынызы уло ни. Озьы ке но доразы ӵемысь бертыло, анай-атайзылы юрттӥськыны тыршо. Уго Гульсима Алексе­евна но Аркадий Каюмович котьку юрт котыразы уж пӧлын бергало. Юрт кузёлэн лесникын тыршемез но ӧз люкеты соослы гид тыр пудо вордыны. Со быдэс нуналзэ уж дурын ке но ортчытъяз, скал-кунянъёссэ сюдыны-утялтыны дыр шедьтылӥз. Зэм, татын солы кузпалыз бадӟым юрттэт возьматӥз. Гульсима апай дышемын уга пудо котырын берганы. Со пиналысен хозяйствоязы скал кыскыны кутскем, ыж утем. Егит нылмуртлы 17 аресаз «За доблестный труд. В ознаменование 100-летия со дня рождения Владимира Ильича Ленина” медаль сё­тэмын. Гульсима Алексеевна школаын утялтӥськисьын но ассэ ӟеч кузёен возьматэм.

Кузпалъёс туннэ кыксы ик пенсиын шутэтско. Озьы ке но соос котьку уж пӧлын бергало. Тӥни ук садзы-бакчазы синмаськымон утялтэмын, мушъёссы но шумпотыса чечы окто. Со сяна, арлы быдэ сю йыр ӟазег утё. Сӥзьыл куазен соосты нылпиосынызы люко. Кемаласен уго дунне вылын озьы кылдэмын: анай-атай­лэн ваньбурез – нылпилэн узырлыкез.

Ольга НИГАМАТУЛЛИНА.

Янаул ёрос.

1153

Оставить сообщение:

НАШИ ПАРТНЕРЫ