icon_gotop
18+
autorisation
Войти | Регистрация
Время в Татышле
06:09
Четверг, 5 Августа
Рекламный баннер 990x90px top

Тупаса улон - вормонтэм кужым

2014-08-14

Фестивале пыриськизы Башкортостанлэн 12 ёросъё­сысьтыз но городъёсысьтыз вуэм творческой фольклор ансамбльёс но солистъёс, Татарстан Республикаысь но Оренбург улосвылысь вуэм коллективъёс, Москваысь нылпи фольклор группа. Ужрад улсын Мияки ёрос Лулчебе­ретлэн арезлэсь штандартсэ Ермекей ёрослы сётӥз. Фести­вале БР-ысь Кун Собранилэн – Курултайлэн тӧроеныз Кон­стантин Толкачёвен кивалто­но делегация но вуылӥз.

Ужрадлэн нырысетӥ лю­кетэз ёросын быдэстӥськись ужъёслы сӥземын вал. Респу­блика парламентлэн спике­рез Спартак – Бадӟым Зинге­реево сюрес лэсьтон, Ерме­кейысь куинь этажъем юрт ӝутон интыосы вуылӥз. Озьы ик К. Толкачёв «Кульчум» учебно-оздоровительной шутэтскон базае но пыраз. Татын ньылетӥ арзэ ни эт­но-агротуризмез азинтонъя проект ужа. Шутэтскисьёс ёросын улӥсь калыкъёслэн сям-йылолъёсынызы, культу­раенызы, калык праздникъё­сынызы тодматско, архитек­тураен но инкуазь узырлыкен тунсыкъясько.

Та нуналэ ик тупаз эт­но-агротуризмъя «Девятая часть земли: природное и этнокультурное разноо­бразие России» сменалэн усьтӥськонэз. Ужрадын Кон­стантин Борисович шуиз: «Туж шумпотӥсько таӵе валтӥсь но тунсыко ужрадэ шедемелы. Ми данъяськись­ком шаеренымы. Соин ик ӟеч ужан интыос кылдытон сяна, шутэтскон интыослы но бадӟым саклык висъяны тыршиськом. Башкортостан – Россилэн пӧртэм калыко люкетэз. 20 республикаос пӧлын со кыкетӥ интыын лыдъяське, нырысетӥ ин­тыын – Дагестан. Оскисько, Украинанын кылдэм югдур шаерамы ноку уз пумиськы. Тупаса улыны луонлыкъёс кылдытон сярысь котькуд адями малпаськыны кулэ, со кивалтэтлэн гинэ ужпумез ӧвӧл. Шаермылэн вуоноез егитъёс киын, асьме киын».

Ужрадлэн кыкетӥ люке­тэз шулдыр крезьгуръёсын тырмемын вал. Фестиваль улсын «Выставка цветов - 2014», «Праздничный баур­сак», «Национальная кукла» конкурсъёс, декоративно-прикладной творчествоя адӟытонъёс радъяськизы.

Рустэм Хамитовлэсь ӟечкылан кылъёссэ но сӥзёнъёссэ ермекейёслы вут­тыса, Константин Толкачёв пусйиз: «Яркыт дӥськутъёс, задор кырӟанъёс но эктонъ­ёс калыкъёслэсь устолык­сэс возьмато. Республика­ын лулчеберетэз азинтонлы бадӟым саклык висъяське: выль театръёс, культура юр­тъёс ӝутӥсько, Искусствоя академия азинлыко ужа. Коть­кытын художествоя самоде­ятельной кружокъёс ужало. Йӧскалык культуралэн узыр­лыкез, пӧртэмлыкез бордын – вормонъёс. Шумпотымон, туннэ ужрадэ трос егитъёс вуэмын. Озьыен, фестиваль пайдаё луэ. Со азьпалан но улоз но сяськаялоз».

Гала-концерт куинь час кыстӥськиз. Республикалэн лымшорпал-шундыпуксёнпал регионъёсысьтыз коллек­тивъёс, бускель шаеръёсысь вуэм ансамбльёс учкисьё­сты огдырлы выжыкыл дун­нее выжтӥзы, кожалод. Уд­мурт гуръёсын учкисьёсты паймытӥзы Ермекей ёросысь «Тодэ ваён» но «Зангари» фольклор ансамбльёс. Быдэс зал та нуналэ эшъяськон, ас калыкеныд данъяськон мыл­кыдэн тырмемын вал.

Дасяз

Миляуша БУЛАТОВА. ­

1759

Оставить сообщение:

НАШИ ПАРТНЕРЫ