icon_gotop
18+
autorisation
Войти | Регистрация
Время в Татышле
05:53
Понедельник, 26 Июля
Рекламный баннер 990x90px top

Воштӥськонъёс - ӟечезлы оскон

2014-08-14

«Дэмен» СПК-ын огъя 1300 йыр сюро пудооссы лыдъясько. Со сяна, 76 йыр валъёссы вань на. Озьыен, дэ­менъёслы толлы пудо сиён ӧжыт кулэ уз луы. Но хозяйствоен кивалтӥсьлэн Р. Р. Галямшинлэн верамезъя, турын­лэн яке сенажлэн лыдыз сьӧры уись­кыса, соослэн ӟечлыксы сярысь но вунэтоно ӧвӧл. Уго йӧл-сӥль дасянлэн быдӟалаез пырак соин герӟаськемын. Дэменъёс, кылсярысь, туннэ 400 йыр кысконо скал вордо. Соослэсь нуналаз огъя 4500 килограммлэсь тросгес йќл кыско. Дэ­менъёс азьланяз та лыдпусъёсты ӝутон сярысь сюлмаськозы. Со понна соос пӧртэм консервантъёсын су­рам ньыль сюрс тонна­лэсь трос сенаж дася­зы ни. Зэм, нырысь сое 2500 тоннаозь гинэ вуттыны чакламын вы­лэм. Нош куазь зоро луэмен, дэменъёслы малпанъёссэс вошто­но луэм. Озьы соос турын дасян планзэс кулэстӥллям. Ми вуылон нуналэ (7-тӥ гудырикошконэ) со 393 тонна дасямын вал. Бусы ужъёс йылпумъ­яськытозь та лыдпусъёс йылозы на, уго дэменъёс азьпалан козлятникез но люцернаез кыкетӥ ползэ октыны малпало. Нош туннэ пудо сиён дасян ласянь ӟеч ужъёссэс возьмато ком­байнер Евгений Хабибьянов, тракто­ристъёс Фёдор Мухаметзянов но Юрий Зидияров, шофёр Яков Шарипов но му­кетъёс. Дэменъёс бусы ужъёсы Дюр­тюли МТС-ысь комбайнэз но кыскизы. Зоро куазь ужъёсты ӝог йылпумъяны куре. Со сяна, татысь кивалтэт ю тысь октон сярысь сюлмаськонъёсын улэ ни. Со муген ик итымысь одӥгзэ лапассэс тупатон борды кутскизы. Татын Руфит Тимерханов (туспуктэм вылын паллянысен буре), Алик Шаги­ев, Вячеслав Низамов но Анатолий Шагиев тыршо.

Ю-нянь октонэ хозяйствоысь куинь комбайнъёс потозы. Туннэ соослы котькудзылы кузёос юнма­тэмын. Зэм, «Дэменын» туннэ но ужась киос ласянь куддыр секыт йӧтэ на. Хозяйстволэн кивалтэтэз ужасьёслы уждун дыраз ке но сётэ, кылсярысь, скал кыскыны мыныны мылкыд карисьёс ӧвӧл. Нош соос шор лыдын толэзьлы быдэ 10-12 сюрс манет коньдон басьто.

Пудо утён удысэз азинтон вы­лысь, дэменъёс туэ «500 ферм» про­граммае пыриськыны малпало вал. Озьы ке но Уразгильды фермаысь тупатӥськон ужъёссэс соос асьсэ кужыменызы быдэстоно луо. Вуоно арын гинэ татын выль программа ул­сын бадӟымесь воштӥськонъёс луозы на, дыр. Со понна вань ужкагазъёс дасямын ни. Воштӥськонъёсын сэрен программае пыриськонэз ќжытлы љегатоно луиз уга.

Ольга НИГАМАТУЛЛИНА.

Татышлы ёрос.

1572

Оставить сообщение:

НАШИ ПАРТНЕРЫ