icon_gotop
18+
autorisation
Войти | Регистрация
Время в Татышле
23:00
Пятница, 23 Июля
Рекламный баннер 990x90px top

Ансамбльмы улыны бурдъя

2014-07-10

Мӧзмытэк, шулдыр но пайдаё орт­чо гуртысьтымы «Уӵы» ансамблямы ветлӥсь нылкышноослэн шӧдытытэк вуись мӧйымон нуналъёссы. Гуртамы одӥг ужрад но ансамбльмы пыриськытэк уг ортчы. «Уӵы» котькыӵе ужрадэ пыриськыны тырше, калыкез выль номеръёсын шулдыртэ. Солэн кырӟанъёсыз кылзымон, эктонъёсыз учкымон. Озьыен, нылкышноослэн репетициосы ветлэмзы юнме ӧвӧл. Концертъёсын калык соосты коть­ку шуныт пумита. «Уӵыос» котькуд выль кырӟанзэс нырысь ик гуртоос­сылы возьмато, собере гинэ коты­рысь гуртъёсы, мукет ёросъёсы но регионъёсы пото. Ансамбльмы Пер­ме, Ижевске, Нефтекамске, Екатерин­бурге вуылӥз ни. Выступлениосмес котькытын Данъян грамотаосын но кузьымъёсын пусъё. Со борды гуртысь культура юртэнымы но ан­самбленымы кивалтӥсьлэн Г. М. Гап­тиевалэн бадӟым люкетэз пыртэмын.

Ми нуналлы быдэ лэсьтоно ужъёсмылы, сюлэмшугъяськонъёсмы­лы сётскыса, паймыса ум улӥське, ог-огмылэсь вордскем нуналъ­ёсмес но юбилейёсмес шулдыр пусйылӥськомы. Юбилярлы син­пель мед кылёз шуыса, кузьым дасяськомы - яратоно кырӟанзэ кырӟаськомы. Кырӟанъёсты бигер кылысь удмуртэ берыктыса нобыдэстӥськом. Али тани «Буэ ду­рын» но «Кылзы, уӵы» кырӟанъёсты дышетскимы.

Ансамбле ветлӥсь нылкышноос ваньзы пенсионеръёс ке но, сэзесь, чырткемесь. Арлы быдэ ёросын ортчись туристической слётэ но вуыло, отысь вормонъёсын бертыло. Озьыен, пӧртэм ужрадъёсы пырись­кон, выльзэ тодон, вылезлы дышет­скон, милемлы, мӧйыослы, улыны кужым ватса, секыт дыръя бурдъя. Жаляса верано, милям арганчимы ӧвӧл. Со сяна, транспорт луымтэен, трос дыръя ужрадъёсы мынытэк кылиськомы. Оскиськом, азьпалан та тырмымтэос тупатэмын луозы.

Анастасия АРМАГИНОВА.

Пермь шаерысь Куеда ёросысь Кирга гурт.

1629

Оставить сообщение:

НАШИ ПАРТНЕРЫ