icon_gotop
18+
autorisation
Войти | Регистрация
Время в Татышле
10:27
Sunday, 17 Октября
Рекламный баннер 990x90px top

Быдӟым Вормон ваемъёслэн нимъёссы улозы-а?

2014-06-19

Туннэ нуналэ тросэз егитъёс но пичиос Быдӟым Атыкай ож сярысь книгаосысь лыдӟыса, киноосты учкы­са гинэ тодо на. Ожмаськонэ пырись­кемъёслэн лыдзы арысь аре кулэсме угось. Соин ик анай-атайёс ожын луэм песятайёссылэсь верам-мадемъёс­сэс нылпиоссылы, нунокъёссылы вут­тон сярысь сюлмасько. Бырыны ше­дем солдатъёслэсь, ветеранъёслэсь нимъёссэс огинэ герӟаса, аръёс ӵоже утьыса вордо пӧртэм памятникъёс, монументъёс, стеллаос но обели­скъёс. Жаляса верано, ожмаськонэ пыриськем солдатъёслэсь нимтулъ­ёссэс «утись» интыос котькуд гуртын уг пумисько, яке соос воксё кышкыт тусэ вуэмын. Татышлы ёросысь Улысь Балтач гуртын, кылсярысь, стелла 1987-тӥ арын пуктэмын. Туннэ нуналэ со выльдэмез кулэ каре. Стеллаез азьланяз но утён сярысь сюлмась­кись Улысь Балтач гурт поселенилэн администрациеныз кивалтӥсь Э. Б. Рахимзянов та пумысен вера:

- Стеллаез 27 ар талэсь азьвыл колхоз юрттэт возьматэмен пуктӥзы вал. Али дыре со бездыт, мӧзмыт адске. Вормон кузьмам песятай-ӵужатайёслэсь нимъёссэс, подвигъ­ёссэс утён сярысь асьмеос ке ӧм сюлмаське, кин утёз? Зэм, Вормон Нунал азьын стелла котырын пичи­есь тупатъян-буян ужъёс нуисько. Шумпотымон, школаын дышетскисьёс сяська будэтон сярысь сюлмасько. Но со бадӟым ужпумлэн пичи люке­тэз гинэ.

Кивалтӥсьлэн кылъёсызъя, стел­лаосты выльдыны-тупатыны нимысь­тыз коньдон уг висъяськы. Гурт поселениослы республика бюдже­тысь висъяськись коньдонэз но та муглы кутыны луонлыкъёс ӧвӧл, пе. Нош малы? Уг луы меда кунмылы асьмелы каньыл улон кузьмам адя­миослэсь нимтулъёссэс утён сярысь сюлмаськыны? Малы ке но асьме шаерын та выллем ужъёс калык ку­жымен, спонсоръёслэн юрттэменызы быдэстӥсько. Коньдон ласянь шуг-секытъёс кылдэмен, Эдуард Бурха­нович калыклы вазиське: стеллаез выльдыны коньдон юрттэт возьма­тыны куре.

- Калыкын та уж пумысен пӧртэм малпанъёс пумисько: кин ке но мал­панэлы дурбасьтэ, пӧлазы пумит луисьёс но вань. Кема ӧвӧл та муген Пермь шаерысь Чернушка городысь азинлыко ужбергатӥсьлы вазиськи. Со шонерак пумит луэмзэ возьматӥз. Мар мон каром, пе, со ожын быремъёс­лы пуктэм стеллаеныд, гурт урамъ­ёсысь сюресъёсты тупатыны малпа­салыд ке, оло, коньдонэн юрттысал но. Кӧня адямиос, сомында ик мал­панъёс, - вера Эдуард Рахимзянов.

Быдӟым Атыкай оже пыриськем геройёслэн нимтулъёсынызы стел­лалэн азьпал «улонэз» - адямиос киын. Калык юрттэттэк гуртын выль стелла уз ӝужа. Кышкыт аръ­ёс сярысь ӝожмыт тодэ ваёнъёсын улӥсьёс пӧлын стеллаез выльдыны юрттӥсьёс луозы шуыса оскон коть­ку улэ.

Миляуша БУЛАТОВА.

2011

Оставить сообщение:

НАШИ ПАРТНЕРЫ