icon_gotop
18+
autorisation
Войти | Регистрация
Время в Татышле
15:06
Вторник, 19 Октября
Рекламный баннер 990x90px top

Пӧртэм удысъёс огазе биниськизы

2014-06-19

Рустэм Хамитов учки­сьёслы но лыдӟисьёслы иворъёсты республикаысь пӧртэм калыкъёслэн анай кылынызы вуттӥсь телека­налъёсты но газет-журналъ­ёсты утёнлэн но азинтонлэн кулэлыкез сярысь вераз.

- Со пумысен ми респу­бликаысь кивалтэтлэн малпанъёсызлы быдэсак дурбасьтӥськом, - вераз Алек­сей Волин. – Пумиськонын цифровой телевидение выжон сярысь но кылпум ӝутӥськиз. Нош бадӟымгес саклык висъ­яськиз почта ёзэтъёсын кыл­дэм югдурлы. Рустэм Хамитов гурт интыосысь почта ёзэтъ­ёсты утьыны ӵектэ. Рустэм Закиевичлэн малпамезъя, соосты быдтон республикалы шӧдскымон ыштон ваёз. Уго туннэ почта ёзэтъёс гуртлэн, отын улӥсь калыклэн улоназ бадӟым инты басьто.

Республикалэн кивал­тэтэзлэн малпанъёсыз-ӵектонъёсыз кылэмын. Баш­кортостанын почта ёзэтъ­ёслэн лыдзы кулэстэмын уз луы. Со сяна, Россиысь почта та удысын тыршисьёслэсь уждунзэс будэтыны тырше. Уго берло аръёсы со сярысь сюлмаськись ӧй вал. Нош тун­нэ воштӥськонъёсты тросэз ас вылазы шӧдӥзы ни.

Та нуналэ пумиськонын почталэн одӥгез валтӥсь ужез – газет-журналъёс­лы гожтӥськон – пумысен но вераськизы. Рустэм Ха­митов министерстволэн со ласянь ужъёсыныз тунсыкъ­яськиз. Уго та нуналъёсы почта быдэстэм ужъёсыз понна тросгес коньдон бась­тэ. «Валаськом, - шуиз Рустэм Хамитов. – Берло куать ар ӵоже гожтӥськон дунъёс шӧдскымон ӧз воштӥське. Кылсярысь, чугун сюрес вы­лын ветлэм понна дунъёс кык поллы йылӥзы, шуныт­лы-вулы тыриськонъёс – 70-80 процентлы, газетъёсты калыке вӧлмытонлы – 7,5 процентлы». Соин, вылды, та нуналъёсы газет-журналъ­ёслы гожтӥськон дунъёслэн будэмзы тросэзлы паймымон луизы. Пумиськонын Рустэм Хамитов но Россия Федера­циысь связья но массовой коммуникациосъя минис­трлэн воштӥсез Алексей Волин кылдэм югдурез ту­патыны пӧртэм амалъёсты эскеризы.Озьы ке но соос пӧлысь котькудзэ быдэстон понна СМИ-ослы но почта ёзэтъёсын тыршисьёслы ӵошен ужаны тыршоно. Нош берло аръёсы малы ке со ласянь трос шуг-секытъёс пумиськыло.

«Ошмес» газетэз лыдӟисьёс но почталэн ужысьтыз воштӥськонъёсты шӧдытэк уг уло, вылды. Уго берло вакытэ тросэз га­зетлэн дыраз вуымтэезлы ӝожтӥсько. «Ошмес» сюрес вылын кытчы ке йыромыны шедьтэ.

Лыдӟись доры вуытозяз, газет олокӧня иськемъёсты ортчоно луэ. Тужгес котырес сюресэн со вуэ Татышлы но Янаул ёросъёсысь почта ёзэтъёсы.

Дасяз

Ольга НИГАМАТУЛЛИНА.

1867

Оставить сообщение:

НАШИ ПАРТНЕРЫ