icon_gotop
18+
autorisation
Войти | Регистрация
Время в Татышле
15:09
Пятница, 29 Марта
Рекламный баннер 990x90px top

Калыкъёсты герӟась, ужасьёсты данъясь шулдыръяськон

15:07 12.06.2014

Герылэн праздникез Башкортостан Республи­калэн пӧртэм ёросъёсаз радъяськемын ини. 7-тӥ инвожое калтасыос но са­бантуйын шулдыръяськизы. Куно пумитаны быгатӥсь калтасы музъем дано нылъ­ёссэ но пиоссэ, дуно куно­оссэ вӧен-нянен пумитаз. Сабантуй возь та нуналэ пӧртэм буёлъёсын «пиштӥз». Омыре эшъяськон мылкыд лӧсъяськиз.

Сабантуйлэн аспӧртэм тодметэз – со сям-йылолъёсты, калык культу­раез возьматӥсь йӧскалык юртъёс. Та нуналэ ёросысь гурт поселениослы юртаос, коркаос пуктыны-дасяны ӵектэмын вал. Башкиръёс­лэсь улэм-вылэмзэс быгаты­са возьматӥзы Краснохолм­ский но Выль Кильбахтино гурт поселениос. Пырись-потӥсьёсты кузёос башкир эктонэн, ческыт чак-чакен пумитазы. Кельтей но Кал­миябаш гурт поселениосын дасям ӟуч коркан куриськон сэреген тодматскыны, кызь­пу сярысь жингрес кырӟанэз кылзыны луиз. Поръёслэсь юртсэс дасясьёс (Калегин, Улысь Качмаш, Амзибаш но Вуж Яшевской гурт посе­лениос) «Семык» йылолэз возьматӥзы. Бадӟым Качак но Тюльди гурт поселениос удмуртъёслэсь улэм-вы­лэмзэс яркыт адњытӥзы. Бадьпу ньӧръёслэсь пунэм кенерен котыртэм юрт кы­дёкысен ик аспӧртэм ад­скиз. Отчы пырисьёс огдыр­лы вашкала удмурт дуннее вуылӥзы, кожалод. Ужан, пӧран тӥрлыкъёсты, вашка­ла дӥськутъёсты эскерон котькинлы тунсыко потӥз.

Праздникын нылпи садъ­ёсы ветлӥсьёслэн ужъёс­сылы, быгатонлыкъёссылы адӟытон но радъямын вал. Пичильтыкъёс удмурт, пор, башкир, бигер юртъёсты возьматӥзы.

«Мастерская Самоделкина», «Волшебный каблучок», «Весёлые бусинки», «Волшебная бумага» ӧръёсын соослэн ужъёсынызы тод­матскыны луиз.

Сабантуй – эшъяськон, тодмат­скон, ёросысь калыкъёсты огазе­ясь ужрад. Сое усьтыса вераськиз Калтасы ёрос администрациен кивалтӥсь Ю. М. Садыров. Калта­сыосты но вуэм куноосты со гырон быдтон праздникен ӟечкылаз, гурт удысын тыршисьёслы выль вормонъ­ёс но азинсконъёс сӥзиз.

- Гурт калыклэн ужез данъямон! Тулыс бусы ужъёсты быдэстонын тужгес висъяськизы «Победа» ООО, «Заря» но «Восход» СПК-ос, В. П. Бик­мурзин нимо крестьян хозяйство, - вераз Юрий Минзарипович. - Туннэ нуналысь капчи, задор мылкыд со­осты выль ужъёсы мед бурдъялоз!

Та нуналэ нянь будэтӥсьёсты данъяны дуно куноос но вуизы. БР-ысь жилищно-коммунальной хозяйствоя министрлэн нырысетӥ воштӥсез Ю. Е. Кислицин республи­калэн Президентэзлэсь ӟечкылан кылъёссэ вуттӥз. БР-ысь Гурт хо­зяйствоя министерствоысь куно, аг­рохимической службаен кивалтӥсь Н. А. Родин ёросысь азьветлӥсь ужасьёсты – «Победа» ООО-ысь ме­ханизаторез В. И. Байметовез, «Вос­ход» СПК-ысь валтӥсь агроно­мез Е. К. Зайнет­диновез, Ленин нимо СПК-ысь пудо утисез В. И. Исинбаевез, «Заря» СХПК- ысь скал кыски­сез М. Т. Мита­еваез, КФХ-ен кивалтӥсез Е. С. Яшинаез - БР-ысь Гурт удысъя мини­стерстволэн Данъян гра­мотаосыныз пусйиз. БР-ысь Кун Собранилэн – Курултайлэн де­путатэз Ф. Ф. Галлямов но калтасы­осты калык праздникен ӟечкылаз. Калмиябашысь нылпи садлы со ноутбук кузьмаз.

Гырон-кизён ужъёсты быдэсто­нын нырысетӥ интыын луиз «Восход» СПК, кыкетӥ интыын – «Победа» ООО, куинетӥ интыын - «Заря» СПК. Механизаторъ­ёс пӧлын висъ­яськизы «Но­вый путь» СПК- ысь А. С. Шифа­ратдинов, «По­беда» ООО-ысь М. Ф. Салимов, «Заря» СПК-ысь С. Ш. Шуматбаев. Ужрадын пудо утёнын висъ­яськисьёсты но пусйизы. Соос пӧлын – «Побе­да» ООО, «Вос­ход» но «Новый путь» СПК-ос.

Туэ сабан­туй Лулчеберетлэн арезлы сӥземын вал. Та нуналэ празднике вуэмъёсты шулдыртӥзы ёросысь «Эрви», «Суда­рушка», «Ший онгыр», «Ош пеледыш», «Мурпамаш», «Зангари» ансамбльёс но Марий Элысь вуэм куноос. Учки­сьёс соосты кужмо кичабонъёсын пумитазы но келязы.

Ужрадлэн тужгес тунсыко лю­кетэз – со ӵошатсконъёс. Кин кыӵе ӧрын кужмо – со киын туннэ вормон но дуно кузьымъёс. Валэн ӵошатскон котьку сямен трос учкисьёсты лю­каз. Нырысь ворттылӥзы ӟеч выжы­ысь валъёс. Кожалод, соос ӧз ворттэ, музъем вылтӥ лобизы. Татын финише нырысетӥ вуиз ёрос ветстанциысь А. Аглямов. Хозяйствоосысь валъ­ёсын ӵошатсконын нырысетӥ луиз Чапаев нимо СХПК-ысь В. Сайсанов.

Спортын усточиос курешын, капчи атлетикаын, гиря ӝутканын, футболын, волейболын но мукет ӧръёсын быгатонлыкъёссэс эске­ризы. Волейболын висъяськизы Бадӟым Качакысь командаос. Нылъёс но, пиос но ӵошатсконын нырысетӥ интылы кузё луизы.

Сабантуй шулдыр, тунсыко орт­чиз. Та нуналэ пумиськонъёс кема­лы тодэ кыльымон луизы. Праздник котькинлы шумпотон кузьмаз.

С. АРКАДЬЕВА,

Р. МУРСАКАЕВА.

Калтасы ёрос.

6163

Оставить сообщение: