icon_gotop
18+
autorisation
Войти | Регистрация
Время в Татышле
10:52
Sunday, 17 Октября
Рекламный баннер 990x90px top

Паськыт урам, чебер урам, данъяломы тонэ…

2014-06-05

- Ӟечбур, мусо ураме! Ӟечбуресь, гуртоосы! Ӟечбур, вордӥськем палъёсы! – ва­зиське кыдёкысь бертэм адями. Ас урамаз пырыса, со нош ик кужым люка, яратон мылкыдын пачылме.

28-тӥ куартолэзе Вязов­каын Центральной урамлэн праздникез ортчиз. Гуртын со тужгес чеберез луэ. Жик-жик юртъёс, огез вӧзын мукетыз сылыса, кузь урам кылды­то. 2012-тӥ арын сюресазы асфальт кисьтӥзы. Табере урамтӥзы котькыӵе куазен арган кутыса кырӟаса-эктыса мыныны луэ. Юртъёс шоры учкид ке, кырыж кариськем, утялтымтэ, куштӥськем юр­тэз ик уд адӟы. Котькуд юрт шоре пальышаса кадь учке, садъёссы чебересь сясь­каосын, бакчаоссы пӧртэм будосъёсын тырмемын. Та урамын улӥсьёс понна 1992-тӥ арын ву гумыос кыскемын, 1999-тӥ арын газ пыртэмын. Нош 2006-тӥ арысен телефо­нэн, 2008-тӥ арысен интерне­тэн пайдаясько. Центральной ураме ик школа, нылпи сад, фельдшер пункт, библиотека, МТМ но куинь магазинъёс ин­тыяськемын. Татын улӥсьёс сярысь ке верано, Мударис Зидиганов РФ-ысь гурт хо­зяйствоысь сӥё-дано ужась нимез нуллэ. Нош Владимир Ахмадишин, Асма Набиокова, Рабига Зидыганова ордено­носецъёс луо. Мӧйыослэсь егитъёс но бере уг кылё: Фа­нис Валинуров, Фанил Нури­ахметов, Григорий Абдрафи­ков, Альфира Камалтдинова, Татьяна Бадамшина ас ужан удысъёсазы пӧртэм вылӥ Данъян грамотаосын пусъе­мын. Та урамын ик трос нылпи будэтэм дано семьяос но вань: Татьяна но Мелляскар Рахимовъёс 12 нылпиоссылы улон сётӥллям, Евдокия но Галимзян Рахимовъёс, Мен­хаят но Баймурза Шаймарда­новъёс – тямысэзлы, Мензифа но Сайфат Шайбадуллинъёс - куатезлы.

Нош Ямига но Тимергази Шарафутдиновъёс, Шамсия но Тимербай Тимирхановъёс, Рахима но Василий Камалт­диновъёс, Ямига но Менхамат Арслановъёс, Закия но Сабир Валинуровъёс, Зайтуна но Ген­надий Гайниятовъёс 5 нылпи будэтӥллям. Ньыль нылпи будэтӥллям Фазила но Вениа­мин Набиоковъёс, Меллыбану но Меллыхан Хазиахметовъёс, Сабира но Алексей Хаспутди­новъёс, Хамида но Шайхулла Шарафутдиновъёс, Галина но Миннегали Биктимировъёс, Настасия но Нурислам Ну­риахметовъёс. Вераны кулэ, Нуриахметовъёслэн ньылез ик пиналъёссы та урамын уло. Та урамысь Тимур Рахимов тужгес егитэз, нош Евдокия Рахимова - тужгес мӧйыез.

Гурт поселениен ки-валтӥсь Р. Гарипов гурт калы­клы вазиськыса шуиз:

- Вязовкаысь калык котьку ужась луэменыз висъяське. Татын крезьгурез яратӥсь, сюл­мысь ужаны дышем калык улэ. Котькуд урамлэн аслаз истори­ез, аслаз калыкез. Соос вылын ик возиське быдэс гурт. Макем утялтэм урамъёс луо, гурт но сокем чебер луэ. Туннэ мон «Об­разцовый дом» пусэн Шаймарда­новъёслэсь но Гараевъёслэсь семьяоссэс ӟечкыласько.

Ужрадэз азьланьтыса Татышлы ёросысь культура ёзэтэн кивалтӥсь С. Г. Гари­фуллин, БР-ысь удмуртъёслэн ИКЦ-зылэн методистэз Л. З. Рахимьянова, Кальтяй школа­лэн Вязовкаысь филиалэныз кивалтӥсь Л. А. Хазипова, гео­графия предметэн дышетӥсь М. С. Гараева вераськизы. Са­лим Гарифуллович культура юртын ужасьёсты Данил Ка­малтдиновез но Раиля Нури­ахметоваез культура удысын азинлыко тыршемзы понна Данъян грамотаосын пусйиз. Лира Закировна удмуртъёслэн НКЦ-зылэн нимыныз культура юртлэн кивалтӥсезлы Фанил Нуриахметовлы тау карон гож­тэт сётӥз. Собере урамлэсь праздниксэ шулдыртыса «Вую­ись», «Уӵы ныл» ансамбльёс, Ра­дис Гайнияров, Алёна Тимерха­нова, Альфира Камалтдинова но Улысь Балтачысь Ирина Шайх­лисламова кырӟазы. Нылпиос­лэн «Егит пиос» «Зоренька» ансамбльёссы мылкыдэз бур­дъясь эктонъёсын шумпоттӥзы. Урамлэн праздникез шудонъ­ёсын, пӧртэм ӵошатсконъёсын азьланьтӥськиз. Мылкыд карисьёс ческыт удмурт ка­лык пӧрамъёсын чай юыны, ӝӧк котырын ӝук но веръяны быгатӥзы. Нош ужрадэз орт­чытыны коньдонэн ёросысь потребсоюзэн кивалтӥсь Д. М. Арманшин, ужбергатӥсьёс Д. М. Биктимиров, А. Г. Хайруллин, «Агрофирма «Фанга» СПК-лэн правлениез, Кальтяй гурт по­селенилэн администрациез юрттӥзы.

- Азьланяз но та выллем ужрадэз ортчытомы, урам­лэсь праздниксэ йылолэ пыр­тыны малпаськомы. Вуоно аръёсы гуртысьтымы мукет урамъёслэсь но нуналзэс ортчытомы, - шуиз праздникез радъясь, гуртысь культура юртэн кивалтӥсь Фанил Ну­риахметов.

Азьланяз та выллем ӟеч ужрад мукет гуртъёсын но оло ортчытӥськоз? Гурт калыклэн, урамлэн, пӧртэм интыосы кош­кылэм одӥг гуртын будэм адя­миослэн со шумпотымон, огазе люкаськыса шулдыръяськон праздниксылы пӧрмоз.

Ирина САМИГУЛОВА.

Татышлы ёрос.

2647

Оставить сообщение:

НАШИ ПАРТНЕРЫ