icon_gotop
18+
autorisation
Войти | Регистрация
Время в Татышле
23:21
Пятница, 23 Июля
Рекламный баннер 990x90px top

Бадӟым сюлмаськон – калыклы шудо улон кылдытон

2014-06-05

Республикалэн Президен­тэз таӵе вамышсэ кык пӧртэм мугъёсын герӟа. Нырысетӥез, «асьмелэн республикамы ӟеч азинске, озьы ке но быдэсто­но ужпумъёсмы трос. Со понна калыклэн юрттэтэз кулэ».

- Коррупциен нюръясь­конын, ӝутӥськон ужъё­сты быдэстонын, бюдже­тэз узырмытонын, куд-ог кивалтӥсьёслэсь калык шоры учконзэс воштонын мыным котьку калыклэн юрттэтэз кулэ, - вераз Рустэм Хамитов.

Рустэм Закиевичлэн ве­рамезъя калыклэн юрттэтэз туннэ но бадӟым. Нош солэсь дунлыксэ быръёнъёс вакытэ тужгес зол шӧдӥське.

- Калык мыным оскиз ке, Башкортостан Республикаен кивалтӥ ке, кутскем ужме ик азинто, - вераз Р. З. Хамитов.

Быръёнъёсты дырыз­лэсь вазьгес ортчытонлэн кыкетӥез мугез - вуоно арысь гужем Уфаын ШОС но БРИКС саммитъёслэн ортчонзы.

- Быръёнъёс азьысь кам­пания чылкак та бадӟым ужрадэн тупалоз. Соин мон Владимир Владимирович Пу­тинлы вазиськи. Шаермылэн Президентэз мынам вазись­конэлы дурбасьтӥз, - шуиз президент.

Рустэм Закиевич быръ­ёнъёсы «Единая Россия» пар­тилэн кандидатэз луыса мы­ноз. Президентлэсь ужъёссэ быдэсъякуз, со трос дырзэ сӥзёз калыкен пумиськонлы. Уго Р. З. Хамитовлэн туннэ ну­налысь бадӟым сюлмаськонэз – республикаысьтымы калы­клы шудо улон кылдытон. Нош пумиськонъёс соосты валаны, куронъёссэс-ӵектонъёссэс быдэстыны юрттозы.

Ольга НИГАМАТУЛЛИНА.

1792

Оставить сообщение:

НАШИ ПАРТНЕРЫ