icon_gotop
18+
autorisation
Войти | Регистрация
Время в Татышле
15:42
Sunday, 17 Октября
Рекламный баннер 990x90px top

Ужаны но шаермес утьыны ми котьку дась!

2014-05-26

Физкультурно-спортив­ной комплексэ 10-60 аресъ­ем адямиос пыриськыны быгатӥзы. Солэсь куронъёссэ быдэстӥсьёс зарни но азвесь гадьпусъёсын данъямын луи­зы. Озьы 1972-1975-тӥ аръёсы, кылсярысь, 58 миллионлэсь ятыр адями комплекслэсь куронъёссэ быдэстӥз. Соос 100 метре бызьылонын, 1000 метр кроссын, ӝуждалае но кузьдалае тэтчанын, 5 ись­кеме куасэн бызьылонын, 100 метре уянын, ыбылӥськонын кужымзэс эскеризы. Соку шаерамы улӥсьёс дун тыры­тэк спортъя пӧртэм школа­осын тазалыксэс юнматыны быгатӥзы. Озьы кыстӥськиз 1991-тӥ арозь. Та вакытэ Совето Союзын бадӟымесь воштӥськонъёс луизы. Таза­лыко улонэн эшъяськисьёс но соослэсь пытьызэс шӧдӥзы: 60 ар ӵоже быдэстӥськем «Готов к труду и обороне» физкультурно-спортивной комплекс дугдытэмын луиз. Калыклэсь тазалыксэ юнма­тонэз но мултэсэн лыдъязы, кожалод. Уго Совето Союз куашкам бере, тросаз спорт школаосы дун тырыса вет­лоно луиз. Озьы таӵе амалэн тазалыксэс юнматӥсьёслэн лыдзы кулэсмиз.

Шаерамы та выллем воштӥськонъёс ортчем бере 20 арлэсь ятыр дыр орт­чемын. Со куспын Россиын пӧртэм выль кун программаос быдэстӥськыны кутскизы. Озьы ке но РФ-лэн Прези­дентэз В. В. Путин ортчемаз вамыштыны малпаз. Таиз арысь 1-тӥ куарусёнысен шаерамы выльысь «Готов к труду и обороне» физкуль­турно-спортивной комплекс быдэстӥськыны кутскоз. В. В. Путинэн кутэм ужкагазын пусъемын: «ГТО комплекс эксперимент амалэн Россия Федерациысь 12 субъектъё­сын быдэстӥськоз. Нош 2017-тӥ арысен – быдэс Россиын». Постановлениез таиз арысь инвожо толэзе кутыны ча­кламын. Азьпалтыса верам кылъёссыя, Башкортостан пи­лотной регионъёс пӧлы пыр­тэмын ӧвӧл. Но, республика­ысь Егитъёслэн политиказыя но спортъя министерствоысь физкультурно-массовой ужъ­ёсъя но спортивной туризмъя ёзэтэн кивалтӥсьлэн Сер­гей Балуевлэн верамезъя, комплексэз улонэ пыӵатон борды вазьгес но кутскыны луоз. Соин республикаямы со борды пилотной регионъёсын ӵош ик басьтӥськыны мал­пало. Та нуналъёсы проект бордын ужъёс нуисько.

Проектлэн валтӥсь ужпу­мез – ГТО-лэсь куронъёссэ быдэстонэ тросгес калыкез кыскон. Соослэн тазалыксэс но быгатонлыксэс эскерыны мылкыдзы мед ӝутскоз. Зэм, ужрадъёсты ортчытыны трос коньдон быдтоно луоз. Но вунэтоно ӧвӧл: ӟеч уж ӟечен берыктӥське. Нош со понна спортзалъёсы тросгес калык мед ветлоз. Отын тазалыксэс юнматӥсьёслэн нимтулъёссы бумага вылын гинэ медаз луы. Спортивной нормативъ­ёс 6-70 аресъем адямиослы чакламын луозы. Соин таиз арысен школаосын дышетски­сьёс но физкультурая урокъ­ёсазы выльдӥськонъёсын пумиськозы. Зэм, дышетскон юртъёсын пиналъёслэсь та ласянь быгатонлыксэс али уг чаклало шуыны уг луы. Уго ре­спубликаысьтымы дышетски­сьёс кемаласен ни президент ӵошатсконъёсы пыриськыло. Солэн куронъёсыз ГТО-лэн выллем луо. Ӵошатсконъёс нырысь школаосын ортчо, собере ёросъёсын но респу­бликаын. Зэм, отын басьтэм вормонъёс нокытын ӧз пу­сйиське. «ГТО нылпиослы спортэн юнгес эшъяськыны юрттоз, - вера Калтасы ёро­сысь Бадӟым Качак школаысь физкультурая дышетӥсь Г. Ю. Тимирбаев. - Табере соос пӧлысь котькудӥз асьсэлэн арлыдзылы тупась куронъё­сты быдэстыны тыршозы. Мы­ным аслым но ГТО комплек­сын нырысь азвесь, собере зарни гадьпусъёс басьтыны кылдӥз. Милям классысь 60 дышетскисьёс пӧлысь 5-6 пи­налъёслэн гадьёсазы зарни гадьпусъёс чилязы». Туала пиналъёслы ГТО ласянь кык полэс удалтӥз. Уго табере солэсь йылпумъянъёссэ огъя кун экзаменъёсын валче вылӥ дышетскон юртъёсын но уч­козы.

Бадњымъёс пӧлын но ку­жымзэс эскерыны мылкыд карисьёс ӧжыт уз луэ, вылды. Туала џошатсконъёс пыр соос пинал дырзэс, шаплы вакыт­сэс тодазы ваёзы. Вылез ку­ронъёс но азьвылъёсызлэсь номырин уг висъясько, соос тросэзлы быдэстыны луымон. Соин шаермылэн кивалтэтэз оске: выль физкультурно-спортивной комплекс азь­ланяз спорт школаослэсь но мукет со выллем юртъёслэсь лыдзэс будэтыны, калыклы дун тырытэк тазалыксэ юн­матыны юрттоз. Нош Прави­тельство арлы быдэ РФ-лэн Президентэзлы калыкмылэн ужаны но шаермес утьыны дасьлыкез сярысь ивортоз.

Ольга НИГАМАТУЛЛИНА.

2732

Оставить сообщение:

НАШИ ПАРТНЕРЫ