icon_gotop
18+
autorisation
Войти | Регистрация
Время в Татышле
09:58
Четверг, 29 Июля
Рекламный баннер 990x90px top

Гурт удысын - ӟырдыт дыр

2014-05-15

Туэ удмурт хозяйствоос пӧлын бусы ужъёс борды коть­кинлэсь вазь басьтӥськизы Калтасы ёросысь хозяйство­ос. Нырысь кизьыны потӥзы «Победа» ООО-лэн Бадӟым Качак участоказ (отчы пыро Качкин-Турай, Кургак, Бадӟым Качак, Покчи Качак гуртъёс) ужасьёс. Участокен кивалтӥсь Назиф Абдуллин бусы ужъёсын тодматыса шуиз:

- Туэ тулыс вазь вуиз ке но, туж кема кыстӥське ини. Кизьыны ми оштолэзьлэн берпуметӥ нуналъёсаз потӥм. Нырысетӥ нуналэ 27 га музъ­еме чабей кидыс пыртӥм. Огъя гырон-кизён ужъёслы хозяйствоын 1431 га музъем висъямын. Со пӧлысь 140 га музъеме кукуруза кизьыны чакламын, 110 га музъеме – суданка. Туннэ нуналэ хо­зяйствоын ужасьёслэн сюл­мысь тыршеменызы кизён йылпумъяськыны мактэктэ­мын ни: чабей 321 га музъеме киземын (80%), йыды – 136 га (50%), сезьы – 50 га (100%). Ужасьёс сярысь ке верано, ӝожтӥськонэз ӧвӧл.  Коньдон дыраз тыро бере, ужась киос тырмыт. Пусйымон ужъёссы А. Исанбулатовлэн, В. Мин­гараевлэн, Р. Садыровлэн, Ю. Насипуллинлэн, А. Шайдул­линлэн, В. Тимербулатовлэн, В. Минликаевлэн, Н. Арсла­новлэн, Е. Шакирзяновлэн, А. Зайруллинлэн, Р. Ахмет­шинлэн, В. Гилязевлэн но В. Байметовлэн.

Участокысь валтӥсь агро­ном Фамитдин Абдуллин туэ бусы ужъёслы вылӥ саклык висъяськемез пусъе. Вань ужан амалъёс, пе, чакласько, уж ас радлыкезъя азинске. «Удобрение но туэ тырмыт. Азьло аръёсы трос аръем турынэн бусыосын подкорм­ка ум ортчытӥське вал, туэ со бусыосы но удобрение пыртӥмы. Ужан технологиос чакласько бере, уж но азин­лыко радъяське. Оскиськом, ужмылэн емышез одно ик удалтоз», - вера агроном. Н. Абдуллинлэн кылъё­сызъя, туэ бусы ужъёсы огъя дас кык техника потэм.

Ленин нимо СХПК-ен кивалтӥсьлэн Д. В. Мухамет­шинлэн кылъёсызъя, хозяй­ствоын бусы ужъёслэн огъя 18%-эз быдэстэмын. Ленинъ­ёс туэ 1055 га музъеме 400 га чабей, 400 га йыды, 200 га вика кизьыны малпало. Кивалтӥсь Д. Абдуллинлэсь, В. Вайтуковлэсь, В. Иштыба­евлэсь, А. Вайтуковлэсь но Ю. Николаевлэсь ужъёссэс вылӥ дунъя.

«Новый путь» СПК-ын ки­зён ужъёслэн ӝегамзы ГСМ-лэн тырмыт луымтэеныз герӟаськемын. Бусыын кык кизён агрегат ужа. Та дыре хозяйстволэн огъя кизёно 1600 га музъемезлэн 400 гектараз ю тысь кидыс пыр­тэмын. Туэ хозяйствоын 450 га йыды, 400 га чабей, 150 га сезьы но 200 га кӧжы кизьы­ны чакламын. Бусы ужъёсты быдэстонын висъясько А. Ши­фаратдинов, А. Насипуллин, В. Абдуликсанов, Р. Минликаев но С. Шифаратдинов.

Татышлы ёросысь гурт удысъя управлениысь валтӥсь агрономлэн И. А. Гилязевлэн кылъёсызъя, толйись но трос аръем куль­тураосын бусыосы удобрение поттон, мускыт пытсан ужъёс йылпумъяськемын. Хозяй­ствоос валэс ю кизён борды басьтӥськизы. Бусы ужъёсты радъянъя ёросысь удмурт хозяйствоос пӧлын «Агро-Та­нып» СПК висъяське. Соослэн 150 га музъемазы (13%) ю тысь кидыс пыртэмын, «Рас­свет» АОАО-лэн – 120 га (4%), «Агрофирма «Дэмен» СПК-лэн – 50 га (1%), «Агрофирма «Фанга» СПК-лэн – 30 га (1%).

Туннэ нуналэ Янаул ёро­сысь огъя 3800 га музъеме тысё культураослэн кидысъ­ёссы пыртэмын.

«Агро М» ООО-лэн бусы­осаз И. Шартдиновлэн но Р. Яруллинлэн агрегатъёссы ужало. Соослэн тыршеменызы 250 га музъеме йыды кидыс пыртэмын ни.

«Восток» СПК-ын ужасьёс туэ но бусы ужъёс борды вазь басьтӥськизы. Хозяйствоын мускыт пытсан, подкормка, усыян ужъёс быдтэмын ни, ужасьёс кизён бордын тыршо. Хозяйстволэн 1823 га музъе­маз чабей, йыды, кӧжы кизьы­ны чакламын, 575 га музъемаз – кукуруз, суданка, кумбагыш. Али бусыосын П. Ушияровлэн (38 га) но Р. Тимерзяновлэн (97 га) агрегатъёссы ужало. Соос кизён ужъёслэсь 25%-сэ быдэстӥллям.

«Агрофирма «Урада» ООО-ын ужасьёс 1500 га музъеме тысё культураос кизёзы, 100 га музъеме – трос аръем ту­рын. Али дыре хозяйстволэн бусыосаз огъя дас одӥг агре­гат ужа, со пӧлысь ньылез – модернизированной техника. Мускыт пытсан, культивация лэсьтон йылпумъяське ни. Хозяйствоен кивалтӥсьлэн Рафик Гаряевлэн кылъё­сызъя, туэ тол кезьыт лу­эмен, толйись культураос умой возиськиллямтэ. Соин бусы ужасьёс нырысь ик то­лйись культураосты выльдон бордын тыршоно луиллям. Кивалтӥсь И. Галяутдиновлэн, В. Саляховлэн, М. Шараповлэн, А. Хабибуллинлэн, А. Мулла­яровлэн, И. Исламовлэн, Ф. Хусаиновлэн но А. Гараевлэн ужъёссылы вылӥ дунъет сётэ.

«Победа» ООО-ысь аг­рономлэн Владислав Асха­товлэн кылъёсызъя, хозяй­ствоын кизён ужъёс алигес кутскиллям. Али дыре бу­сыын одӥг гинэ агрегат ужа. Усыянын, мускыт пытсанын со А. Суфиятовлэсь, А. Сади­ковлэсь, В. Суфиятовлэсь, А. Мухаметшинлэсь, Ю. Кали­муллинлэсь, И. Шараевлэсь ужъёссэс пусъе. Агрономлэн верамезъя, хозяйстволэн бусыосаз 659 га чабей, 455 га йыды, 203 га кукуруз, 130 га люцерна кизьыны чакламын.

Котькуд ужлэн азинлыко радъяськемез - тыршыса ужа­сьёс бордын. Нош гурт удыс музъем ужез гажасьёс вылын возиське. (Лыдпусъёс 12-тӥ куартолэзе басьтэмын).

Миляуша БУЛАТОВА.

1810

Оставить сообщение:

НАШИ ПАРТНЕРЫ