icon_gotop
18+
autorisation
Войти | Регистрация
Время в Татышле
23:08
Пятница, 23 Июля
Рекламный баннер 990x90px top

Секыт-а Олимплэн вырйылъёсаз тубон?

2014-05-15

Таяз арын Олимпи шу­донъёсты ортчытыны Татыш­лы ёросысь Выль Татышлы школа дасяськиз но пинал спортсменъёсты ас дораз пумитаз. Пӧртэм ёросъёсысь дышетскисьёс эшлыко ку­сыпъёссэс юнматыса, усто спортсменъёс огазе люкась­кыса кужымзэс мертазы. Дас одӥгетӥ ползэ ортчытӥськись шудонъёсы ваньзэ дас коман­да вуиз. Соос пӧлын луизы Татышлы ёросысь Улысь Бал­тач, Выль Татышлы, Кызыл-Яр, Уразгильды, Вязовка, Арибаш, Калмияр, Калтасы ёросысь Бадӟым Качак, Бурай ёросысь Ваныш-Алпаутово но Яна­ул ёросысь Максим школао­сысь вуэм командаос. Татчы, котькудаз шудонъёсы сямен, Татышлы ёросысь тросгес ко­мандаос пыриськыны мылкыд каризы. Соин азьланяз му­кетъёслы но соослэсь адӟем кароно. Малы ке шуоно ёросъё­сысь мукет удмурт школаос но палэнэ кылемын луыны кулэ ӧвӧл, огъя уже ӵошен пырись­кыку, мылкыд тужгес ӝутске. Шудонъёс Выль Татышлы гурт вӧзысь шулдыр нюлэс пӧлы ин­тыяськем Сабантуй ортчоно кырын радъяськизы.

Тани огзы бӧрсьы огзы командаос султо. Котькуд команда сярысь трос вераны  луоз, шуом, Калтасы ёросысь Бадӟым Качак школаысь ко­манда ёрос, республика, зона ӵошатсконъёсы ӵем вуылэ. Та школаын теннисэн шудонъя, волейболъя чемпионъёсты дасяло, пиналъёс бадӟымесь вормонъёсынызы данъясь­кыса вераны быгато. Янаул ёросысь Максим школаысь пи­налъёс капчи атлетикая, во­лейболъя, футболэн шудонъя ёрос но зона ӵошатсконъёсы пыриськыло. Олимпи шудонэ но соос вормонъёс басьтон­зылы оскыса вуизы. Бурай ёросысь пиналъёслэн ко­мандазы пӧртэм гуртъёсысь нылпиосты огазеяса дасям команда луиз. Олимпи шудо­нын соос Ваныш-Алпаутово школа понна тыршозы. Татыш­лы ёросысь удмурт школаос пӧлын Улысь Балтач школа тужгес бадӟымен лыдъяське. Татысь пиналъёс спортэн юн эшъясько, ёрос, зона, ре­спублика ӵошатсконъёсысь ваем бадӟымесь вормонъёс­сы но трос. Пиналъёс дасэтӥ Олимпи шудонъёсын кубоклы кузё луизы. Кызыл-Яр шко­ла Чечняын бырыны шедем кужмо спортсменлэн Сергей Самиевлэн нимыныз данъясь­ке. Татысь пиналъёс куасэн бызьылонъя, капчи атлетикая кужмоесь луо. Выль Татыш­лы школаысь пиналъёслэн командазы ёросысь пӧртэм ӵошатсконъёсы ӵем вуылэ. Вормонъёс басьтыса, кужмо спортсменъёс зона, респу­блика ӵошатсконъёсы вуыло. Олимпи шудонъёсын выль татышлыос котьку кужмо ре­зультатъёсын паймытъяло. Уразгильдыысь школаын во­лейболъя ёрос, республика, зона ӵошатсконъёсын дано луэм чемпионъёссы трос. (Быдэсак материалэз лыдӟыны быгатоды газет бамысь).

Ирина Самигулова.

1407

Оставить сообщение:

НАШИ ПАРТНЕРЫ