icon_gotop
18+
autorisation
Войти | Регистрация
Время в Татышле
17:52
Вторник, 3 Августа
Рекламный баннер 990x90px top

Вормон гажа шаплыоссэ

2014-05-08

Ӵошатсконэз усьтыса, Бадӟым Качакысь физкуль­турая дышетӥсь, 30 ар ӵоже та удысын тыршем Г. Ю. Ти­мербаев но интыысь гурт поселениен кивалтӥсь Г. Д.  Хайдаршин вераськизы. Нош республикамылэсь куншетсэ кылем арысь вормисьёслэн – Бадӟым Гондырысь нылъёс­лэн но пиослэн командаоссы­лэн - капитанъёссы ӝутӥзы.

Шудонэз куноос кутски­зы. Волейбол площадкаын Улысь Балтачысь но Вуж Варяшысь командаос пумись­кизы. Пиос, шӧдӥське, шудон­лэсь шӧмзэ веръяса ӧз вуттэ на. Со тужгес Вуж Варяш команда бордысь адӟиськиз. Соин, лэся, соос вормонзэс но капчиен сётӥзы, балтачъёс 2:0 лыдпусэн азьпала потӥзы.

Шудонэз азинтӥзы Бадӟым Гондырысь но Ураз­гильдыысь командаос. Ураз­гильдыос нырысетӥ минутъ­ёсы ик кужымзэс возьматӥзы. Озьы нырысетӥяз партиын Татышлы ёросысь команда вормиз. Кыкетӥяз но шудон та выллемгес радъяськиз. Нош Бадӟым Качакысь но Улысь Балтачысь пиос ку­инь партиен шудоно луизы. Нырысетӥяз удалтӥз качакъ­ёслы, кыкетӥяз – улысь бал­тачъёслы, куинетӥяз… Таяз шудонын кузёос кужмогес луизы. Бадӟым Гондырысь но Вуж Варяшысь команда­ослэн пумиськоназы вормон варяшъёслы пиштӥз. Ӵапак та вакытэ ик, оло, соослэн асьсэлэн кужымзылы оскон­зы кылдӥз.

Ӟырдыт нюръяськон мынӥз Бадӟым Качакысь но Уразгильдыысь командаос куспын. Та вакытэ тросэз ви­сисьёс туназы: кубок Бадӟым Качаке кылёз яке Уразгиль­дые кошкоз? Уго площадка­ын котькуд туп понна зэмос нюръяськон мынӥз. Таблоысь лыдпусъёс но ог-огзы сьӧры уиськизы. Шудон куинь парти­ен кыстӥськиз. Берпуметӥяз куноос кужмогес луизы.

Собере площадкаын нылъёслэн командаоссы ку­зёяськизы. Отын Бадӟым Качакысь нырысетӥ коман­даысь но Бадӟым Гондырысь нылъёс пумиськизы.Площад­каын нырысь кузёос кужмо­гес адӟиськизы. Нош берло гондыръёс азьпала потӥзы. Но качакъёс соин буйгатскыны ӧз малпалэ, шудонэз асьсэ киязы басьтӥзы. Куинетӥ партиын гинэ вормисьёс шара­яськизы. Шудонын кужмогес но шудогес луизы куноос. Азьпалтыса верало, та нуналэ соос ик кубокез но утӥзы. Нош кыкетӥ интые потӥз Бадӟым Качакысь нырысетӥез ко­манда. Кыкетӥезлы куинетӥ интыен буйгатсконо луиз. Со понна школаын дышетскись нылъёс шудӥзы.

Та нуналэ Бадӟым Гон­дырысь нылъёс вормонэн шумпоттӥзы, нош пиослы та ласянь секытгес йӧтӥз. Берпуметӥ шудонъёсазы соосты Улысь Балтачысь команда но азьпалтӥз. Та вакытэ тросэз кубоклэн ку­зёосыз сярысь малпаськизы. Уго азьпалан Вуж Варяшысь но Уразгильдыысь команда­ос пумисько. Командаосын пумиськонъёсын вормонъ­ёссыя азьпалан мыно ураз­гильдыос. Но таяз шудо­нын соослы ќз удалты. Нош варяшъёс ӟеч дасьлыксэс возьматӥзы. Соос кык пар­тиосын ик азьпала потӥзы. Озьы варяшъёслэн кубокез утыны осконзы но бадӟымгес луиз. Та командаысь пиос площадкаын сэзь но йӧно адӟиськизы, ог-огзэс валаса- кылзыса шудӥзы. Со борды ик, оло, соослэн вормонзы но ватскемын. Варяшъёслы тужгес секытэн сётӥськиз кузёосын шудонзы. Озьы ке но соос татын но кужмогес луизы, качакъёсты 2:1 лыд­пусэн вормизы. Нош Уразгиль­дыысь но Улысь Балтачысь командаослэн пумиськона­зы вормон уразгильдыослы пиштӥз. Татын вормисьёс куинетӥ партилэн пумаз гинэ тодмо луизы. Огъя шудонлэн йылпумъянъёсызъя, Ураз­гильдыысь но Улысь Балта­чысь командаос кыкетӥ но куинетӥ интыосты люкизы. Нош кубокез нырысьсэ Вуж Варяшысь команда басьтӥз. Отысь Леонид Набиев туж­гес усто шудӥсен лыдъямын. «Котькудӥз команда шудо­нэ зол дасяськем, - вераз ӵошатсконэз йылпумъяса Г. Ю. Тимирбаев. - Соослы вордскем гуртсылэсь па­лэнын улӥсьёслэн шудонэ пыриськемзы но юрттӥз». Та нуналэ волейболэн шудӥсьёс џошатсконэ келясьёссылы сюлмысь тау карон кылъёс­сэс веразы. Нош бадњым ка­чакъёслы пумиськонэз радъ­яны коньдонэн «Победа» СПК но «Нур» ООО юрттӥзы.

 

Ольга НИГАМАТУЛЛИНА.

1824

Оставить сообщение:

НАШИ ПАРТНЕРЫ