Таӵе суретлэсь ӟечлыксэ алигес ас вылам но эскероно кариськи. Зэм, юыны сое ноку ӧй дӥсьтысал, но эмчие мыным сое укол пуктылонын кутыны ӵектӥз. Нимысьтыз спирто салфеткаос басьтытозь, таиз дунтэмгес, пе, усёз. Озьы одӥгаз магазинэ вамыштӥ. Но вуз карись малы ке шорам паймыса учкиз. Собере калленак вераз: сыӵе спирт аптекаосын гинэ, пе, вузаське. Нош магазинъёс сурен но мукет со выллем ӟеч юонъёсын гинэ вуз каро. Мынам куронэ, солэн малпамезъя, сыӵеос пӧлы уг пыры. Аптекаын «фанфурикез» сётэмзылэсь азьвыл валэктӥзы, суретэз (спиртсы ӧй вал уго) ку вылэ гинэ, пе, зыраны луэ. Таӵе шедьтосэ коньдонме кык поллы матэ шыръяны юрттӥз.
Аптекаысь потыку, тодмо магазинысьтым арлыдо воргоронлэсь потэмзэ синйылтӥ. Тушо пиосмурт шумпотыса эшъёсыз пала вамыштӥз. Пӧяз, иське, монэ вуз карись. Татын басьяськисьёсты «сӥсъяса» вузкаро вылэм. Озьыен, суретэз эрикен вузаны кышкало. Таӵе учыре со понна но, оло, шумпотоно? Уго куддыр та выллем суредэз но пумитаны луэ: магазин азе машина дугдэ. Отысь тӧдьы йырсиё, кузь мугоро чебер егит ныл потэ. Нош кияз – быдэс ящикен вуз. Но малы ке нылмуртэ магазинэ нылкышноос уг келяло, сьӧраз ӟузялтэм пиосмуртъёс гинэ вамышто...
Аптекаын мыным можжевельниклэсь сурет сётӥзы. Таӵеез алигес, пе, потэмын. Азьвыл сое боярышниклэсь, пӧсьтурынлэсь гинэ потто вылэм. Суретэ республикаямы Самараысь вуэм. Отын пусъемын: «Суретэз аптекаос пыр вузано». Но озьы ке но со магазинъёсы но малы ке сюрес шедьтэ.
…Та нуналъёсы калык тулыс субботникъёсы пота. Адямиос пӧртэм жуг-жагъёс пӧлысь пӧртэм ӟенеликъёсты но окто. Но вань меда ужасьёс пӧлын ӟенеликъёсты бушатӥсьёс?
Ольга НИГАМАТУЛЛИНА.
Оставить сообщение: