icon_gotop
18+
autorisation
Войти | Регистрация
Время в Татышле
15:03
Вторник, 19 Октября
Рекламный баннер 990x90px top

Кусыпъёс юнмалозы, эшъяськонмы кужмоялоз

2014-04-17

Башкортостан но Удмурт Элькун куспын кемалась ни шуныт кусыпъёс юнматэмын. Соин, лэся, пӧртэм удысын ужасьёслэн та выллем пумиськонъёссы ӵемысь луыло. Нош та нуналъёсы Удмурт шаерысь вуэм куноос нырысь Кушнаренко ёросысь культу­ра юртъёслэн уженызы тодматскизы. «Дуслык» фольклор коллективен возьматэм бигер калыклэсь йылолзэ учкизы. Со сяна, Башкорто­станысь Калыкъёслэн эшъ­яськон юртсылэн, Культурая министерствоысь учебно-ме­тодической центрлэн ужъё­сынызы тодматскизы. Семи­нарлэн берпуметӥ нуналаз делегация Татышлы ёросысь Выль Татышлы гуртэ вуылӥз. Куноосты ёрос Кенешлэн се­кретарез Р. Г. Рахимов, Баш­кортостанысь удмуртъёслэн историзыя но культуразыя центренызы кивалтӥсь Т. Н. Шайбакова, Выль Татышлы гурт поселениен кивалтӥсь Н. В. Рахимьянов пумитазы.

Удмуртиысь делегация Башкортостанысь удмур­тъёслэн ИКЦ-зылэн уженыз тодматскиз, музее, модель­ной библиотекае кожылӥз. Пумиськонэз Татышлы ёро­сысь калык но образцовой коллективъёсын дасям концерт йылпумъяз. Ужа­зы вис дыръя, делегациен кивалтӥсьлы мон кӧня ке юанъёсын вазиськи.

- Ольга Николаевна, Баш­кортостан музъем вылын ортчем пумиськонды, семи­нарлэн ужаз пыриськемды пумысен кыӵе малпанъёс кылизы?

- Малпанъёс туж умо­есь, Башкортостанэ кин ке но нырысьсэ вуиз, кин ке та выллем ужрадъёсы азь­выл пыриськемын вал ни. Огъя малпанмы туж сай­кыт но чебер кылиз. Пӧртэм ужрадъёсы вуылыса, ужъя эшъёсынымы вераськыса-кенешыса, ми выль кужым, выль малпанъёс басьтӥмы. Котырес ӝӧк сьӧрын пумись­кон, «Современные тенден­ции деятельности учрежде­ний культурно-досугового центра» темая семинарлэн ужаз пыриськон трос выль­зэ сётӥз. Башкортостанысь калык мыло-кыдо, сюлмысь кунояны но ӟырдыт ужаны быгатэ. Дор палъёсамы выль чебер малпанъёсын тырмы­са бертӥськомы. Республи­каын калык творчестволы бадӟым саклык висъяське, сӧсыр адямиос но палэн­тэмын ӧвӧл. Ми инвалид нылпиослэн творчествоя юртазы но вуылӥмы, татысь ужъёсын пыр-поч тодматски­мы. Пӧртэм нациен калыкъёс куспазы тату уло, культура­зэс азинтыны котькыӵе лу­онлыкъёс вань. Со милемыз тужгес шумпоттӥз.

Котькуд пумиськон, трос выльзэ, ӟечсэ сётэ, выль ва­мышъёсы валтэ. Озьы бере, культура удысын тырши­сьёслэн семинарзы пайдаё но кемалы тодэ кыльымон луоз, кусыпъёсмы азьлолэсь но юнгес луозы.

Ирина САМИГУЛОВА.

Татышлы ёрос.

2429

Оставить сообщение:

НАШИ ПАРТНЕРЫ