Библиотекаын тунсыко арня ортчиз

Со сяна, «Сказки на­родов Удмуртии» шара лыдӟон радъ­яськиз, пиналъёслы со тужгес тодазы кыльымон луиз. Арня ӵоже «Удмурт­ская культура» темая книгаослы адӟытон дасямын вал, «Удмурты Башкортостана» темаен вераськон ортчиз. Одӥгез нунал тылобурдоослы сӥземын луиз. Соку пиналъёс понна «Птицы - наши друзья» конкурсной шудон радъяськиз. Нылпиос бурдоос сярысь юанъёслы валэктон утчаса трос выльзэ тодӥзы, шудонэ пыриськыса тодон-валанзэс возьматӥзы. Мукетыз нунал тазалыклы сӥземын луиз но «Мама, папа, я - здоровая семья» девиз улсын ортчиз. Та нуналэ «О здоровье» темаен викторина ортчиз но «Книга на службе здоровья» темаен выставка дасямын луиз.

Библиотекарьмы та нуналъёсы аспӧртэм пумиськон но дасям. Нылпиос доры куное вуылӥз пенсиысь дышетӥсь, гуртысь депутат, «Чибориё» фольклор коллективлэн ужаз пыриськись Р. Гарифуллина. Библиотекарь Ралюза Муллахановналэн творчествоеныз тодматӥз. Нош собере Ралюза Муллахановна пӧртэм аръёсы гожтэм кылбуръёссэ лыдӟиз. Кылбурчиен пумиськонэ поэзиез яратӥсь гурт калык но пиналъёс пыриськизы.

Арня пуштросо но тунсыко ортчиз, со пиналъёслы но бадӟымъёслы трос шуныт тодэ ваёнъёс кельтӥз. Гуртысь библиотекалэн ӧсъёсыз котьку усьтӥськемын, татын выль книгаос сяна, шуныт мылкыд кузёяське. Соин, вылды, книга дунее калык шумпотыса лыктэ.

Лидия ПУКРОКОВА.

Балтач ёросысь Асавка гурт.­