Киргаысь зангариос

Соин школаысь дышетӥсь Т. Идиятуллина кивалтэ. Татьяна Денисовна пиналъёсты эктыны, кырӟаны, калык сям-йылолъёсты утьы­ны, гажаны дышетэ. Вакчи дыр куспын Киргаысь зангариос пӧртэм ужрадъёсы вуылӥзы ни. Удмурт кырӟанъёсты, эк­тонъёсты быдэстӥсьёс гуртын, ёросын ортчоно концертъёсты шулдырто, шаер конкурсъёсын но быгатонлыкъёссэс эскеро.

«Зангарие» пыриськисьёсты Татьяна Денисовна удмурт фольклорен пыр-поч тодматон сярысь но сюлмаське. Уго покчи классъёсын удмурт кыллы но литературалы часъёс висъяськымтэен, пиналъёслэн анай кылзэс, калык культуразэс дышетыны луонлыкъёссы ӧвӧл. «Удмурт пиналъёсмы удмуртлыксылэсь медаз палэнске вылэм», - верало Кирга школаысь дышетӥсьёс.

Миляуша БУЛАТОВА.

Пермь шаерысь Куеда ёрос.