icon_gotop
18+
autorisation
Войти | Регистрация
Время в Татышле
12:05
Среда, 17 Апреля
Рекламный баннер 990x90px top

Мон – удмурт

13:13 27.03.2014 16+

Француз гожъяськисьлэн Антуан де Сент-Экзюперилэн одӥгаз книгаяз Пичи Принц Сяськалэсь кытын уло адя­миос шуыса юа. Сяська вера: «Соосты тӧл нуллэ. Адямиослэн выжызы ӧвӧл». Зэм, адями выжытэм луэ, куке со анай кылзэ, калык сям-йылолъёссэ вунэтэ. Выжызэ вунэтэм адямилэн вуоноез но шумпотымон уз луы.

Кема ӧвӧл УдГУ-ысь одӥг дышетӥсе мыным шуиз: «Башкир музъемысь удмуртъёс анай кылынызы тужгес чыл­кыт верасько. Соос вазиськисесь. Вераськоназы «анай» но «атай» кылъёсты куто. Огъя вераса, ӟучомиллямтэ на соос». Та кылъёс монэ бурдъязы кадь.

Котьмае эскеры, ваньмыз семья бордысен кутске. Анай кылэз дышетон но семьяен юн герӟаськемын луэ. Пинал валаны кулэ: семья матысь адямиосты огазея, ог-огдэ, анай кылдэ гажаны дышетэ. Калык сям-йылолъёсты утён но семья бордысен кутске. Со сярысь ноку вунэтоно ӧвӧл. Котьку мед улоз удмурт кылмы. Сое вылӥе ӝутоно, пушйы­тоно! «Камсьӧрысь удмурт мон луисько, удмурт кылыным данъяськисько» шуыны котьку быгатоно.

Валерия РАХИМОВА.

Татышлы ёрос.

9959

Оставить сообщение: