icon_gotop
18+
autorisation
Войти | Регистрация
Время в Татышле
00:44
Пятница, 29 Марта
Рекламный баннер 990x90px top

Бакчазы узыр емышъёсын, школазы - нылпи куараосын

13:04 27.03.2014

Алигес ӝутэм выль школа гуртлэн «сюлмыз» луэ. Татчы ик культура юрт, библиотека, эмъяськон пункт инты­яськемын. Кызыл-Яр гуртысь пиналъёс сяна, татын Кыткы-Елга, Таныповка, Ивановка гуртъёсысь нылпиос но ды­шетско. Школалэн улон-вылонэныз тодматыса, филиалэн кивалтӥсь И. А. Гайнияров вераз:

- Котькытын сямен ик, берло дыре школаямы трос воштӥськонъёс луизы. Пиналъёслэн лыдзы кулэсмемен, дышетскон юртмы Улысь Бал­тач школалэн филиалэныз кылиз. Туннэ нуналэ татын 49 пиналъёс тодон-валан басьто но кык пиналэз дышетӥсьёс доразы ветлыса дышето. Палэнысь лыктыса ужась дышетӥсьёсмы но вань. Соос пӧлын Г. М. Самирзянова, Г. Р. Баймиев, Л. Л. Зидымаков, В. Н. Шайсламова, И. С. Гильфанова, Л. Л. Гарифьянова луо. Котькуд дышетскон арын предметъёсъя олимпиадаосы пыриськиськомы, школаын пӧртэм ужрадъёс ортчыло. Пиналъёс ӧжыт луэм бере, одӥг пиналлы пӧртэм ласянь быгатӥсь луоно. Спортэн но дышетсконэн, культураен герњаськем ужрадъёсы пыриськыны вутсконо. Олимпиадаосын басьтэм бадӟым вормонъёсынымы ушъяськыны ум быгатӥське ке но, пиналъёсмы рейтингъя нырысетӥ, кыкетӥ интыослы кузё луыло. Азьланяз та ласянь золгес ужаломы.

Адӟем карымон пиналъёс сярысь ке, Светлана Зидымышева, Карина Шаймарданова, Анастасия Рафикова, Алиса Нуритдинова кадь нылъёс сярысь дышетӥсьёс ушъяса гинэ верало. Соос умой дышетскыны но пӧртэм ужрадъёсы пыриськыны вутско. Озьы ик 7-тӥ классын дышетскись пиналъёс сярысь трос ӟеч кылъёс вераны луэ. Ӟуч кылъя но литературая дышетӥсь В. Г. Зидымышева кема ӧвӧл «Арлэн дышетӥсез» ёрос конкурсэ пыриськыса «Достоин при­знания» номинациын вормись луиз. Арлы быдэ тулыспал толэзе школае спортсменъёс люкасько. Чечня музъем вы­лын бырыны шедем солдатэз, та школаын дышетскем Сергей Самиевез буре вайыса куасэн бызьылонъя ёрос ӵошатскон ортчылэ. Дышетӥсьёс ужазы выль амалъёсты но технологиосты кутыса, урокъёссэс тунсыко ортчытон сярысь сюлмасько. Гуртлэн, ёрослэн улоназ мылысь-кыдысь пыриськыны тыршо. Кылем дышетскон арын школа вӧзысь бакчазы нырысетӥ интылы кузё луэм. Со школа коллектив понна бадӟым вормон луэ, малы ке шуоно дышетӥсьёссы, технической персонал ар ӵоже бакчаязы трос кужымзэс поныса ужало. Вераны кулэ на, Кызыл-Яр школаысь сад но бакча котьку ӟеч возиськеме­нызы тодмо луо, пӧртэм конкурсъёсын но кызылъяръёс трос вормыло.

- Гужем дорамы вуылэ, учкоды кыӵе милям бакчамы узыр. Нош ми дорын кадь ческыт викторияез нокытысь уд шедьтэ, – пальпотыса келяз милемыз школалэн кузёез Иван Аллаярович.

Ирина ХУЗИАХМЕТОВА.

Татышлы ёрос.

6773

Оставить сообщение: