icon_gotop
18+
autorisation
Войти | Регистрация
Время в Татышле
15:20
Sunday, 17 Октября
Рекламный баннер 990x90px top

Сизьым полэс шудэз кызьы пӧлэстоно?

2014-03-20

- Мон понна шуд – со яратоно нылпиосы но внукъёсы.

Нина апайлэн улон сюрес вылаз пӧртэм шуг-секытъёс трос ке но луиллям, со ӝожтӥськыса улӥсьёс пӧлысь ӧвӧл. Вераськыку но номыр сярысь жалятэк вера. Нош кышномуртэз улон пӧртэм сямен эскерем. Пичиысен анайтэк кылён, семья кылдытыса улыны кутскон, пиналъёссэ будэтон аръёсыз. Анаймурт понна ас нылпизэ ыштон тужгес секыт адӟон луэ. Олег пиеныз люкиськон минутъёссэ тодаз вайыса кышномурт вераз:

- Гуртын улон понна ужаны кулэ, ужаса улон понна тазалык но мылкыд мед луоз. Нош секытлыкъёс котькуд адямилэн сюрес вылаз пумисько. Соосты вормыны быгатоно. Улон аслэсьтыз лэсьтэ, кинлы мар гожтэм - адӟоно, куасалтӥськоно ӧвӧл.

Нина апай Гаврил кузпалыныз трос пудо-живот вордыса, бадӟым хозяйствозэс утьыса улӥллям. Берлось дас вить арзэ Нина апай скал кыскись луыса ужам. Кузпалыз вань ужан сюрессэ механизаторын тыршем. Пиналъёссэс будэтыкузы, юрт, бакча, гид котыразы ужъёссэс ӵошен быдэстыны тыршиллям соос. Кузпалзэ но Нина апай ыштоно луэм, кык ар талэсь азьвыл Гаврил агай секыт висьыса улонысь кошкем. Кема аръёс ӵоже тыбыр пыкъет луэм кузпалдэ, нылпиосыдлэсь атайзэс ыштон кышномурт понна секыт адӟон луэм. Озьы ке но вераськыку мон ӧй кылы Нина апайлэсь ассэ жалятыса, ӝожтӥськыса верам кылъёссэ. Кожалод, Инмарен сётэм кужымез уг лэзьы кышномуртэз синвуаськыны. Нина апай шоры учкыса, соин тодматскыса-вераськыса, йыре малпан лыктӥз: зэмос удмурт кышномурт. Таӵе кышномуртъёс ваньзэ шыпыт вормыны быгато, чидантэм вӧсьсэс но, бадӟым шумпотонзэс но ортчыт уз возьматэ.

- Нылпиосмес пичиысен ужаны дышетыса будэтон сярысь сюлмаськиськимы. Уж ноку адямиез урод уг кары, ужаса нылпи котьмалэсь дунзэ валаны дышетске, - шуиз вераськонмес йылпумъяса Нина апай. Ортчем сӥзьылэ Нина апай куатьтон арессэ пусйиз. Нылъёсыз но пиосыз, внукъёсыз но матысь туганъёсыз сое шумпотыса ӟечкылазы. Гажамон кышномуртлы, анаймуртлы, яратоно песянайлы но ӵужанайлы трос шуныт кылъёс веразы.

Ирина ХУЗИАХМЕТОВА.

Калтасы ёрос.

2053

Оставить сообщение:

НАШИ ПАРТНЕРЫ