icon_gotop
18+
autorisation
Войти | Регистрация
Время в Татышле
17:07
Четверг, 28 Октября
Рекламный баннер 990x90px top

Паралимпиадалэн пытьыостӥз

2014-03-20

Сочиын тол Паралимпи шудонъёс йылпумъяськизы. Шумпотымон, Россиысь командалэн отын тужгес трос вормонъёсыз – 80 медаль. Вормисьёс пӧлы республикаысьтымы спортсменъёс но пыризы. БР-лэн Президентэз Р. З. Хамитов соослы но тренеръёссылы А. Гумеровлы, С. Гумеровлы, Н. Гумеровалы ӟечкылан телеграммаос ыстӥз. Башкортостанысь спортсменъёс Паралимпи шудонъёсын ньыль бронза, одӥг азвесь но кык зарни медальёс утӥзы. Та нуналъёсы РФ-лэн Президентэз В. В. Путин республикаысьтымы «зарни» спортсменъёсты А. Карачуринэз но К. Михайловез Эшъяськон орденэн данъяз. Нош А. Давидовичлы но И. Зариповлы нырысетӥ степенё «За заслуги перед Отечеством» орденлэсь медальёссэ сётӥз.

Башкортостанын паралимпи движенилэн азинскон сюресэз 1970-тӥ арысен кутске. Паралимпиадаосы пыриськыса, республикаысь спортсменъёс огъя 126 медальёс басьтӥллям (61-ез - зарни, 36-ез - азвесь, 29-эз - бронза). Лондонын ортчем Паралимпиадаын Башкортостанысь спортсменъёс 17 медаль утӥзы. Уянын висъяськиз О. Савченко: со вить пол вормисе потӥз. Капчи атлетикаын кык зарни медальлы кузё луиз А. Лабзин. Чемпион луизы уясьёс А. Неволин-Светов но М. Зимин, капчиатлетъёс А. Коптев но А. Овсянникова.

Ванкувер городын радъяськем XX тол Паралимпи шудонъёсын асьмелэн спор­тсменъёсмы 10 медальёслы  кузё луизы. Отын тужгес кужмо но быръем удысазы усточи луэменызы висъяськизы ньыль пол чемпион луэм И. Зарипов но куинь пол чемпион нимез утэм К. Михайлов.

 2009-тӥ арысен арлы быдэ сӧсыръёслэн Спартакиадаоссы радъясько. 2013-тӥ арын Спартакиадалэн финалаз 600-лэсь ятыр спортсменъёс пыриськизы. Соос вить пӧртэм ӧрын быгатонлыкъёссэс возьматӥзы. Та арын ик пельёссы кылӥсьтэм спортсменъёс пӧлын хоккеен шудонъя чемпионат ортчиз. Ужрадын Россиысь команда 1-тӥ инты утӥз. Хоккеистъёс пӧлысь тямысэз Башкортостанысь вал.

Башкортостанысь паралимпиецъёс 20-лэсь трос пӧртэм спорт видъёсын тун­сыкъясько. Тужгес паськыт вӧлмемын капчи атлетика, уян, дзюдо, куасэн бызьылон но биатлон.

Дасяз

Миляуша БУЛАТОВА.

2930

Оставить сообщение:

НАШИ ПАРТНЕРЫ