icon_gotop
18+
autorisation
Войти | Регистрация
Время в Татышле
23:26
Четверг, 28 Марта
Рекламный баннер 990x90px top

Калыклэн но кивалтэтлэн сюлмаськонэз одӥг

14:39 06.02.2014

Кылем арняын татышлыос АПК-ын, нюлэс хозяйствоын пумиськись ужпумъёсты сэрттон-пертчонлы

 сӥзем совещание вуэм бадӟым куноосты пумитазы. Соос пӧлын луизы БР-ысь Правительстволэн Премьер-ми­нистрезлэн воштӥсез Эрнст Исаев, БР-ысь гурт хозяйствоя министр Николай Коваленко, БР-ысь Инкуазь ваньбурен пайдаяськонъя но экологияя министр Илдар Хадыев, БР-ысь Ветеринарияя управлениен кивалтӥсь Вакил Буран­баев, «Россельхозбанк» ОАО-лэн регионысь филиалэныз кивалтӥсь Ирек Мухаметдинов, БР-ысь гурт хозяйствоя министрлэн нырысетӥ воштӥсез Азат Зиганшин но мукетъёс.

Ужрадлэн нырысетӥ люкетэз ёросысь Крупская нимо СПК-лэн «500 ферм» программа улсын тупатэм Кашкак фермаяз радъяськиз. Совещание вуэмъёслэн ужасьёсын пумиськыны, вераськыны луонлыкъёссы но луизы. Эрнст Исаев, пудо утисьёслы вазиськыса, соослэн уженызы, уж дуразы пумиськись шуг-секытъёсынызы, уждунзылэн быдӟалаеныз тунсыкъяськиз.

Берло дыре республика кивалтэт покчи но шорёзо ужбергатонэз, крестьян-фермер хозяйствоосты азинтонлы но саклык висъя, юрттэт возьматэ. Совещание вуэмъёс Арибашысь ужбергатӥсен Григорий Гильмаутдиновен но пумиськизы. Арендае басьтэм 120 га музъемез ужбергатӥсь мини-ферма ӝутӥз, пу бордын ужанъя, пельнянь лэсь­тонъя цехъёс пуктӥз. Туннэ нуналэ со дорын 25 ужасьёс лыдъясько. Премьер-министрлэн воштӥсез ужбергатӥсьлэн ужезлы вылӥ дунъет сётӥз.

Бӧрысь пумиськон котырес ӝӧк сьӧрын радъяськиз. Эрнст Исаев вераськонзэ гурт удысэз азинтон но «500 ферм» программаослы пыр-поч валэктонъёс сётон бордысен кутскиз.Гурт удысэз быръем егит ӧнерчиослы юрттэт возьматыны, котыр улосэз утёнлы бадӟым саклык висъяны куриз.

Татышлы ёрос администрациен кивалтӥсь Рушан Гараев 2013-тӥ арлы огъя йылпумъянъёс лэсьтӥз, ар ӵоже басьтэм вормонъёсты пусйиз. Кылем арын быдэстыны вуымтэ ужъёсты туэ йылаз-пумаз вуттон сярысь сюлмась­конъёсыныз люкиськиз.

Николай Коваленко тулыс бусы ужъёс сярысь кылпум ӝутӥз, гурт хозяйствоослэсь бадӟым ужъёслы дасьлыксэс куриз. Со Татышлы ёросын «500 ферм» программалэсь ӟеч азинскемзэ но пусйиз. Туэ та программае ёросысь «Агро-фирма «Дэмен» но «Агро-Танып» СПК-ос пыртэмын луозы шуыса ивортӥз.

- Татышлыос котькуд уж борды сюлмысь басьтӥсько но лэсьтоно ужзэс вылӥ дунъет сётымон быдэсто. Татышлы музъеме мон котьку шумпотыса вуисько, - ужрадэз йылпумъяса шуиз Эрнст Фаритович.

Мунира БАСИМОВА.

6074

Оставить сообщение: