icon_gotop
18+
autorisation
Войти | Регистрация
Время в Татышле
11:56
Sunday, 17 Октября
Рекламный баннер 990x90px top

Нюръяськисьлэн кужмыз вормон бордын

2014-02-06

Ужрадэ БР-ысь Кускерттонэн нюръяськонъя но курешъя федерацилэн исполнительной директорез Юнир Ильясов, калыккуспо классысь спортъя мастер, Россия, Европа но дунне первенствоосын вормись, Татышлы ёросысь егитъёсын ужанъя но спортъя ёзэтэн кивалтӥсь Насибулла Хуснуллин, дунне чемпион, спортъя мастер, Туймазыысь командалэн тренерез Ринат Еникеев вуизы.

Регионъёс куспысь турнирез усьтыса Рушан Гараев вераськиз. «Тӥледыз Татыш­лы музъемын пумитаны ми котьку дась. Шумпотымон, туннэ ми доры трос куноос вуэмын. Ужрадын ваньдылы вор­монъёс, вуоноын азинсконъёс сӥзисько», - шуиз со.

Турнире вуэмъёс 14 весовой категориосын нюръяськизы. Ужрад тунсыко пӧрмиз: кыдёкысь вуэм куноослэн кузьымъёстэк кошкемзы уг поты, татышлыослэн но вормемзы потэ. Уго татын соос понна анай-атайёссы, дышетӥсьёссы, матысьёссы «висё». Нюръяськисьёс шоры учкыса валаны луэ: мугоръёссы кыдамын, ваньзы соос пумиськонэ пыр-поч дасяськемын. Ӵукна кутскем турнир ӝытозь кыстӥськиз. Тани вормисьёслэн нимъёссы тодмо луизы. Таӵе нюръясь конъёсын котьку Татышлы ёрослэсь данзэ утись, кускерттонэн нюръяськонъя спортъя мастер Р. Зарифьянов вормон пьедесталлэн вылӥ тубатаз луиз. Ф. Абдуллин, Б. Мухаметдинов, Р. Васбиев, И. Хайруллин, К. Хаерзаманов, Р. Шайнуров, Ю. Рамазанов асьсэлэн весовой категориосазы чемпион ним утӥзы. И. Балагетдинов, А. Зарафиев, А. Рахимьянов – кыкетӥ, Д. Фаметдинов но Р. Шарифьянов куинетӥ интыын луизы. Тужгес егит нюръяськисез И. Мухлисовез нимысьтыз кузьымен пусйизы. Ужрадын вормыса, нюръяськисьёс зол кужымзэс, тренеръёссылэсь И. Гилязевлэсь но Ф. Касимовлэсь сюлмысь тыршемзэс возьматӥзы. Куноос пӧлын но устоос луизы. Туймазы городысь но Балтач ёросысь быдэн кык, Чернушкаысь но Чекмагуш ёросысь быдэн одӥг нюръяськисьёс чемпион луизы.

Ӵошатсконын нылъёс но кужымзэс мертазы. Белорецкысь С. Макиянова но Свердловск улосвылысь Красноуфимск городысь О. Банютина 32 килограммъем весовой категориын лыдъяськисьёсын нюръяськизы. Пӧлазы пиос но вань вал. Бӧрысь нылъёс пӧлын нюръяськон пуромиз. С. Макиянова кыкетӥ интылы кузё луиз, О. Банютина – куинетӥ.

Турнир йылпумъяськиз. Нюръяськыны вуэмъёслы со пумиськонъёс, выль эшъёс, шуныт тодэ ваёнъёс кузьмаз.

Расиля АХМЕТЬЯНОВА.

2540

Оставить сообщение:

НАШИ ПАРТНЕРЫ