icon_gotop
18+
autorisation
Войти | Регистрация
Время в Татышле
16:47
Четверг, 28 Октября
Рекламный баннер 990x90px top

Дышетӥсез ӟырдыт шудонэн данъязы

2014-02-06

Нырысетӥяз пумиськонэ Татышлы ёросысь Бигинейысь, Вылысь Татышлыысь, Улысь Балтачысь, Уразгильдыысь но Калтасы ёросысь Бадӟым Качакысь пиослэн командаоссы пыриськизы.

Ӵошатсконэз усьтыса спортсменъёслы но дано дышетӥсьлы ӟечкылан кылъёсын вазиськизы Татышлы ёросысь егитъёсын ужанъя но спортъя ёзэтэн кивалтӥсь Н. Х. Хуснуллин, ДЮСШ-ен кивалтӥсь А. З. Назаров но БР-ысь удмуртъёслэн историзыя но культуразыя центрен кивалтӥсь Т. Н. Шайбакова. Та нуналэ соос А. И. Сабанчинэз ёрос администрацилэн, ДЮСШ-лэн но БР-ысь удмуртъёслэн НКЦ-зылэн Данъян грамотаосынызы пусйизы. Нош собере волейбол площадкаосын ӟырдыт ӵошатсконъёс кутскизы. Та нуналэ, шӧдске, командаос бадӟым вормонлы осконэн вуиллям. Соин котькудӥз сямен пумиськон 2:1 лыдпусэн йылпумъяськиз. Озьы ке но волейбол площадкаын кужмогес луиз Улысь Балтачысь команда. Соос Уразгильдыысь (2-тӥ инты) но Бадӟым Качакысь (3-тӥ инты) командаосты азьпалтӥзы. Вормисьёс дуно кузьымъёсын данъямын. Та ласянь Александр Ивановичлы юрттӥз ужбергатӥсь Ва­лерий Сабанчин. Со атаезлы ӵошатсконъёсты радъяны коньдонэн юрттэм сяна, шудонэ но пыриськиз. Валерий Бигинейысь команда понна шудӥз. Со быдэсак Александр Ивановичлэн азьвыл дышетскисьёсызлэсь сылӥз.

Нырысетӥез пумиськон волейболэн шудӥсьёслы шуныт мылкыд кельтӥз. Соин пиос А. И. Сабанчинлы ӵошатсконъёсты радъямез понна тау каризы но выльысь пумиськыны осконзэс шараязы.Та нуналэ спортсменъёс дышетӥсьлы трос шуныт кылъёс веразы, уго ӵошатскон Александр Ивановичлэн 60 арес тырмон юбилеезлы сӥземын вал.

Альфид ЗАЙНОКОВ.

Татышлы ёрос.

2636

Оставить сообщение:

НАШИ ПАРТНЕРЫ