icon_gotop
18+
autorisation
Войти | Регистрация
Время в Татышле
17:47
Пятница, 29 Марта
Рекламный баннер 990x90px top

Гурт хозяйствоын кылдэм Югдур

14:26 30.01.2014

«Скал гидэз азьвылгес ик тупатыны кутскимы вал. Но кун программае пыреммы бере гинэ шӧдскымон вамышъёс лэсьтӥмы. Татын ваньмыз воштӥськиз. Липет туала улонлэн куронъёсызлы тупа, скалъёсты сюдон, люктан арбериос, укноос, ӧсъёс, выж выльдэмын, ву гумы кыскемын. Гидэз югдытонлы но бадӟым саклык висъяськиз, - вера фермаен кивалтӥсь. - Пудоез воштон сярысь малпанмы но вань».

Али дыре фермаын огъя 400-лы матэ пудо лыдъяське. Соосты дыраз утялтон, сюдон-вордон сярысь кызьлэсь ятыр ужасьёс сюлмасько. Кивалтӥсьлэн кылъёсызъя, татын кема аръёс ӵоже тыршыса ужало скал кыскисьёс Фидия Гузаирова но Татьяна Мукаева. Озьы ик пусйымон ужъёссы кыед поттасьёслэн Георгий Минькаевлэн но Эдуард Фархутдиновлэн, кунян утисьёслэн Дамира Садрихановалэн но Жанна Шартдиновалэн, операторъёслэн Фёдор Сахиповлэн но Фёдор Туктаровлэн.

Пудо сиён сярысь ке верано, кивалтӥсьлэн кылъёсызъя, турын тырмыт дасямын. Силос но тулысозь тырмоз.

Кожалод, татын ваньмыз умой, гурт удысын пумиськись шуг-секытъёс кызылъ­яръёсты палэнтӥортчо. Но ужасьёс чылкак мукет малпанъёсын уло вылэм. Ваньзы соос дыраз уждун басьтымтэзылы ӝожтӥсько. Выль ар азьын но, пе, уждунтэк кылиллям.

Малпаськытӥсь югдур. Ярам, семьяын мукет удысын ужасьёс ке вань. Нош кузпалъёс кыксы ик хозяйствоын ке тыршо? Соку семьяос ческыт-кузьыттэк но пуко, луоз.

Тросаз гурт хозяйствоосын сямен ик, дыраз уждун уг ке но басьто, ужасьёс ну­наллы быдэ фермае дырто. Гурт калык шуг-секытъёсты вормыны дышемын ни, лэся. Вераны кулэ, пӧлазы егитъёс уг пумисько. Соос палэнысь коньдоно уж утчало. Бӧрысь отчы ик улыны интыясько. Озьы ик гуртъёс но быро.

Миляуша

БУЛАТОВА.

Татышлы ёрос.

5596

Оставить сообщение: