icon_gotop
18+
autorisation
Войти | Регистрация
Время в Татышле
11:11
Четверг, 29 Июля
Рекламный баннер 990x90px top

Улонзы синмаськымон пӧрме

2014-01-30

- Сергей котькуд ужез лэсьтыны быгатэ. Киосыз солэн зарни, юрт котырез шул­дыртыны, пиосмурт ужъёсын вырыны Сергей туж усто.

Венера Сайфутдиновна но Сергей Владимирович шоры учкыса валано: кузпалъёс ог-огзэс гажаса, туж тупаса уло. Ужан сюрессы сярысь ке, Венера Сайфутдиновна кема аръёс ӵоже ИСКОЖ заводын ужам. Берло дыре гинэ солы ужзэ воштоно луэ, малы ке шуоно уж интызы ворсаськем. Та дыре со интернатын ужа. Нош Сергей Владимирович вентиляция пуктон ужъёсты быдэсъя. Кузпалъёс кык пиналъёссэс будэтӥллям. Инна но Ирина нылъёссы асьсэ кадязы ик визьмоесь но котьма ласянь адӟем карымон луо. Инна аслаз семьяеныз Новый Уренгой городын улэ, нош Ирина кема ӧвӧл семья кылдытӥз. Нылъёссы быдэ вуэмын ке но ини, кузпалъёс котьку соос сярысь сюлмаськонэн уло, ужъёсазы юрттыны тыршо.

Михайловъёсын матэ тодматскыса, удмурт семьялэн чеберлыкезлы паймоно. Сергей Владимирович милемын туж ӧжыт ке но вераськиз, воргоронлэсь лякыт но котыр адямиослы ӟеч мылкыдо луэмзэ шӧдоно.

- Адямилэсь ӟеч мылкыдо луэмзэ синъёсызъя но валаны луэ, шуо калыкын. Венера Сайфутдиновна милемыз пӧртэм ческыт пӧръёсыныз, лякытлыкеныз но котькыӵе ужъёсын усточи луэменыз паймытӥз. Нош удмурт кырӟанъёсты кыӵе чебер быдэстыны быгатэ вылэм кышномурт!

- Кырӟаны туж яратӥсько, - вера со. - Анае но кырӟаны яратэ вал. Эшъёсмы, матысьёсмы но крезьгурен эшъясько. Шумпотыку, сюлэмын секыт луыку кырӟасько. Асьмелы вашкала дырысен лыктэм гуръёсты но вунэтоно ӧвӧл. Милемыз Венера Сайфутдиновна таӵе калык такмакен келяз.

Мыным но атай ӟеч вал сётӥз,

Кытчы ке но мынӥд, мын шуиз.

Кытчы ке но мынӥд, мын шуиз но,

Ӟеч калыклы ярась но лу шуиз.

Асьсэлэн чебер пӧрмем улон сюресэнызы, адямилыко но лякыт сюлэмо луэмены­зы кузпалъёс кырӟан чуръёслы тупаны тыршыса кадь уло, сюрес вылазы пумиськем котькуд адямиез но кемалы бордазы кыскыны быгато.

Ирина САМИГУЛОВА.

Нефтекамск город.

1337

Оставить сообщение:

НАШИ ПАРТНЕРЫ