icon_gotop
18+
autorisation
Войти | Регистрация
Время в Татышле
02:25
Пятница, 29 Марта
Рекламный баннер 990x90px top

Тазалык котьмалэсь дуно

14:49 23.01.2014

Пичи дыръяз со коӵышпиосты, кучапиосты туж яратэ вылэм, азьланяз пудо врач луон сярысь малпаськылэм. Но школазэ йылпумъямез бере, фельдшерлы дышетскыны пырем.

- Вань экзаменъёсме ви­тьёслы сётӥ. Али но тодам на, соку шумпотонэ пумтэм вал. Нош дорысьёсы мынэсьтым но золгес шумпотӥзы: висёно ке луимы, нылмы юрттоз шуыса.

Со дырысен 15 арлэсь ятыр вакыт ортчемын ни. Людмила Шарипзяновна дорысьёсызлы гинэ ӧвӧл, трос адямиослы юрттэт возьматэм. Со доры бадӟым качакъёс но, кургакъёс но ӵемысь вуыло. Лякыт, вазиськись, пальпотӥсь ымныръем кышномурт котьку, котькинлы юрттыны дась.

Фельдшер пунктын Л. Меншатова огназ тырше. Вань уж татын кышномурт пельпумъёсы усемын. Ужан интызэ ачиз гур эстыса шунтэ, выжъёссэ ачиз миське, санитарлэсь ужъёссэ но ачиз ик быдэсъя.

- Ужын пӧртэм дыр луэ. Секыт висисьёс но вуыло. Куддыр эмчилэн ӵектэм эмъюмез, уколэз тупамтэен, по­грасьёс но пумисько. Сыӵе дыръя вӧзын санитар луысал ке, капчигес луысал, - вера фельдшер.

Людмила Шарипзяновнаен вераськыса пукытозям, со доры даслы матэ адямиос вуизы. Фельдшер котькудзылэсь ӝожтӥськонъёссэс пыр-поч кылзӥз, эмъюмъёс ӵектӥз, вирзӥбетсэс мертаз. Укол басьтыны лыктэмъёс но луизы. Кылсярысь, Закира Камалитдинова но Галина Сабирзянова. Арлыдо песянайёс Людмила Шарипзяновна сярысь трос шуныт кылъёс веразы. «Людамы милям туж лякыт, юрттӥськись. Юн висьыкумы, со дорамы лыктэ: нӧд, зор, буран шуыса уг улы», - ӵошатскыса сямен веразы песянайёс.

Ужзэ гажась кышномурт котькуд висёнлы дыраз бадӟым саклык висъяны куре. Солэн кылъёсызъя, улон та­залык вылын возиське.

Миляуша БУЛАТОВА.

Калтасы ёрос.

6116

Оставить сообщение: