icon_gotop
18+
autorisation
Войти | Регистрация
Время в Татышле
16:22
Четверг, 28 Октября
Рекламный баннер 990x90px top

Арганчиос быгатэмзэс возьматӥзы

2014-01-17

Ижкарысь удмурт филармониын ортчем конкурсэ Татышлы ёросысь Улысь Балтач но Выль Татышлы гуртъёсысь культура юртъёсын ужасьёс Алик Кайранов но Александр Галиев вуылӥзы. Конкурсантъёс пӧлын вылӥ баллъёс люкаса, Башкортотанысь вуэм артистъёс кыкетӥ туре потӥзы. Гала-концерт соосты тужгес но шумпоттӥз: арганчиос «Соло и дуэты» номинациын кыкетӥ степенё дипломлы кузё луизы. Фестивальын бурдъяськем мылкыдзэ шараяса, А. Галиев шуиз:

- Фестивале пӧртэм арлыдо арганчиос люкаськемын вал. Таӵе ужрад Ижкарын ньылетӥ ползэ ортчиз. Куинь ар со Удмурт Республикаысь арганчиосты люказ, нош туэ нырысьсэ регионъёс куспысь фестивальлы «пӧрмиз». Бадӟым ужрадэ пыриськон ми азе пӧртэм куронъёсты пуктӥз. Фестивале лыктэмъёс пӧлын трос тодмоосмы, усто арганчиос луизы. Нырысь ми баянэн но флейтаен шудӥмы, нош Гала-концертын баянэн но арганэн шудыса частушкаос быдэстӥмы. Дунъясьёс пӧлын Удмурт Республикаысь тодмо арганчи но кырӟась Анна Плотникова но луиз. Дипломантъёс луон сярысь ӧм ке но малпаське вал, Гала-концертэ потэммы сярысь тодэммы бере, мылкыдмы ӝутскиз. Учкисьёс милемды кужмо кичабонъёсын пумитазы-келязы. Отысен тодмо вал ни: дунъясьёслы быдэстэм ужмы кельшиз. Ужрадэ вуылыны луонлык кылдытэмез но сюрес вылэ коньдон, машина висъямез понна, Татышлы ёросысь культура ёзэтэн кивалтӥсьлы С. Г. Гарифуллинлы бадӟым тау карон кылъёсмес вераськомы.

Аликен Александрез сцена вылысь ӵем пумитаны луэ. Ёросын ортчись котькуд ужрадэ арганчиос сюлмысь пырисько. Со сяна, республикаын ортчылӥсь ужрадъёсы но вуыло, мукет регионъёсын но быгатонлыксэс возьмато. Арганэн шудэм сяна, Алик усто кырӟась луэменыз но тодмо. Соос кыксы ик крезьгуръёс гожъяло, выль чебересь кырӟанъёс пӧрмытъяло. Котыр ласянь таланто адямиослы выль чебересь гуръёс, выль ужъёс но выль вормонъёс сӥзёме. Крезьгур дуннеен пачылмем лул–сюлэмазы шулдыр гуръёс, кырӟанъёс но выль чебересь ужъёссы трос луозы на шуыса оскон кылдэ.

Ирина САМИГУЛОВА.

2340

Оставить сообщение:

НАШИ ПАРТНЕРЫ