icon_gotop
18+
autorisation
Войти | Регистрация
Время в Татышле
11:40
Sunday, 17 Октября
Рекламный баннер 990x90px top

«Востэм луыны модно ӧвӧл»

2013-12-12

Конференцилэсь азьвыл милемыз историко-культур­ной вернисажлэн «UDMURT FOLK-AREA» адӟытонэныз тодматӥз архитек­тор К. Ш. Галиханов. Собере пленарной люкетэз усьтыса вераськизы Удмурт Элькунысь йӧскалык политикая минис­трлэсь ужъёссэ бы­дэсъясь О. В. Царего­родцева, Ижевскысь Камсьӧр удмуртъёс­лэн огазеяськонэ­нызы кивалтӥсь Ф. А. Чибышева.

Туала удмурт егитъёс. Кыӵеесь соос? Кыӵе инты басьто йӧскалык лулче­беретэз азинтонын? Маин тунсыкъясько? Та но му­кет юанъёслы валэктонъёс утчазы соос. «Туала арын востэмлык модно ӧвӧл ни», – таӵе йылпумъян чузъясь­киз одӥгысьтыз докладысь. Туала егитъёс ог-огенызы капчиен кусып тупатыны бы­гато, соослы юртто интернет вотэсъёс но. Егитъёслэн ась­сэлэн вераськетсы, ваньмыз сямен выль кылъёс удмурт кыл бӧрсьы ӟуч суффиксъё­сты ватсаса пӧрмемын. Тужгес но вӧлмемын чеберисто кыл.

Ма бен, та ужрад но туж чеберисто, чакламъя пӧрмиз. Егитъёс ӟеч валало туала архитектуралэсь куронъ­ёссэ, асьсэлэсь проектъёс­сэс кылдытъяло, пӧртэм конкурсъёсы пыриськыло. Татын соослэн адӟытонзы но радъямын вал. Уз вунэ вашкала кырӟанъёс но. Со­осты туж быгатыса быдэстӥз Татышлы ёросысь Вязовка гуртын будэм Андрей Ка­малтдинов. Паймытӥзы «Ват­ка» этностудие ветлӥсьёс. Соос «Матӥно Мардан» спек­таклез возьматӥзы. Егитъ­ёс понна мастер-классъёс радъямын вал. Предпринима­тельлэн удысэныз тодматӥз егит ужбергатӥсь Роман Дементьев, радиожурнали­стика но издательской ужез возьматӥз «Уморто» медиа­центрлэн кивалтӥсез Ольга Ведрова, театральной ис­кусстволы дышетӥз Василий Ушаков, этномода но нацио­нальной костюмлэн историез сярысь мадиз художник-ре­ставратор Татьяна Москвина.

«Таӵе пумиськонъёсысь тӥ мукет луыса бертоды, улон шоры учконды, асваланды воштӥськоз. Та улонын асьтэ­лэсь интыдэс утчаны кутско­ды. Утчалоды но шедьтоды, тӥ понна проектъёс, програм­маос ужало, азинскыны вань луонлыкъёс кылдытэмын», – оскытӥз Удмурт Элькунысь егитъёсын ужанъя министр Владимир Михайлович Со­ловьёв.

Антонида ЕРМОЛИНА, Зинаида ШАРАФУТДИНОВА.

2294

Оставить сообщение:

НАШИ ПАРТНЕРЫ