icon_gotop
18+
autorisation
Войти | Регистрация
Время в Татышле
10:47
Четверг, 29 Июля
Рекламный баннер 990x90px top

Ӟеч кылыз калыклэсь сюлэмзэ небӟытэ

2013-11-21

Тямыстон ньыль аресъем кышно­мурт тазалыкезлы уг ӝожтӥськы. Се­кытэсь аръёс сое «куасалтӥллямтэ». Котькуд нунал со выль ужъёс лэсь­тыны дыртэ. «Пурысьтам йырсиосме буяй ке, монэ егит ныл кожалозы ай», - серекъяса вера Менась апай.

Арлыдо кышномуртлэн улон сюресэз капчи вылымтэ. Улонлэсь котькыӵе шӧмзэ со «веръям». Пичи дырыз кышкыт ож аръёсы тупам. Со 12 аресаз колхозэ ужаны потэм. «Та­лига дыдыеным анай сьӧры бусые ужаны ветлӥськом вал. Воргоронъёс ожын луэмен, кор но корамы, бусы но гыримы, тыбыр вылэ ӝутыса мешо­кен кидыс но нуллӥмы, - синвуоссэ ӵушылыса вера песянай. – Сиёнлы ёр­мыса, куд-ог адямиос бусые сютэм ку­лэм валэз но сиылӥзы. Ньыль ар торф поттыны ветлӥ. Нырысетӥ уждунэлы сизьым дэрем басьтӥ. Кыӵе бадӟым шумпотон вал со мон понна. Адӟем секытлыкъёс сярысь вераса но уд быдты. Калык макем курадӟыса улӥз».

Кызь аресаз Менась апай улон сюрессэ Казип агаен герӟа. Кузпалъ­ёслэн ньыль нылъёссы но куать пиоссы вордӥсько. Но 1977-тӥарын Казип агай шӧдтэк шорысь улонэн люкиське. Нош ик вань секытлыкъ­ёсты кышномурт огназ вормоно луэ: корка но пуктоно, нылпиосты но пыд йылазы султытоно.

- Ас улонам мон куинь корка ӝутӥ. Али Дамир пиелы выль юрт пуктыны юрттӥськисько. Мон улэп дыръя выль юртэ мед выжозы, - вера анаймурт.

Менась апайлэн нылпиосыз ваньзы улонысь асьсэды шедьтыны быгатӥзы. Анайзы доры соос ӵем ку­ное вуыло, юрт котырысьтыз ужъёссэ быдэстыны юртто.

Менась Ахмадоковна – гуртын гажамон адями. Вазиськись, лякыт сямо кышномурт ӟеч кылъёсыныз котькинлэсь сюлэмзэ небӟытыны быгатэ. Пересез но, пиналэз но со доры кенешыны вуыло. Со котькуд ва­зиськисьлы визьнодъёсыныз юрттэ.

Тыршись кышномуртлэн Данъян грамотаосыз, данъян пусъёсыз но трос. Менась апайлэн «Мать - герои­ня», кык «Материнская слава» меда­льёсыз лыдъясько.

Гуртысьтымы гажано кышномурт­лы нуналысь нуналэ выль кужым, тазалык, ӟечезлы оскон сӥзисько. Мылкыдыд ноку медаз куашка, Ме­нась апай.

Ирина КАБИПЯНОВА.

Татышлы ёрос.

1456

Оставить сообщение:

НАШИ ПАРТНЕРЫ